Boeing 747

Boeing 747
familia d'aeronaves
avión de pasaxeros con motores de reaición
Información
Fabricante	Boeing Commercial Airplanes (es)
Diseñáu por	Joe Sutter y Boeing
Parte de	Boeing 7x7 series (en)
Historia
Primer vuelu	9 febreru 1969
Entrada en serviciu	22 xineru 1970
Operadores	Saudia    Korean Air China Airlines    British Airways    Ariana Afghan Airlines (2003–2003)    Kam Air (2012–)
Acontecimientos significativos	manufactura
Carauterístiques
Tipu d'ales	low wing (en)
Unidaes fabricades	1574

El Boeing 747, comúnmente moteyáu «Jumbo», ye un avión comercial transcontinental de fuselaxe anchu fabricáu por Boeing. Ye conocíu pol so gran tamañu (foi'l mayor avión de pasaxeros mientres más de tres décades hasta que la compañía Airbus creó l'A380),^[1] y ta ente los aviones más famosos del mundu.^[2] Realizó'l so primer vuelu comercial en 1970 y foi'l primer avión con fuselaxe anchu.

Los cuatro motores turbofán del 747 son fabricaos por Pratt & Whitney. El motor JT-9D foi estrenáu con esi avión y foi usáu darréu por otros aviones de fuselaxe anchu, como'l Douglas DC-10. La so cabina de dos pisos diolu enforma reconocencia nel sector del tresporte aereu. Con una distribución típica de tres clases de pasaxeros tresporta a 416 persones,^[3] ente que una disposición de dos clases puede allugar un máximu de 524 pasaxeros. El 747-8, la versión más recién en serviciu, vuela a velocidaes subsóniques de Mach 0,85 (unos 913 km/h), y ufierta un algame de vuelu intercontinental de 8 000 milles náutiques (15 000 quilómetros).^[4]

Agoróse que'l 747 quedaríase obsoleto cuando se vendieren les primeres 400 unidaes,^[5] pero'l modelu superó toles mires y, pasaes eses crítiques, la producción algamó les 1 000 unidaes en 1993.^[6] N'avientu de 2017 habíense construyíu 1542 aviones, con otres 12 unidaes de la variante 747-8F n'espera de ser apurríes.^[7] La versión más recién d'esti modelu, el 747-8, entró en serviciu con Cargolux (versión de carga) el 12 d'ochobre de 2011 y con Lufthansa (versión de pasaxeros) el 1 de xunu de 2012.

El 747 ye unu de los aviones más reconocibles pol públicu. A l'aeronave llamóse-y la Reina de los Cielos» (Queen of the Skies). Foi usada por millones de persones pa realizar vuelos internacionales. Amás, foi'l primer avión civil de fuselaxe anchu, el más grande, el más pesáu y el pioneru nel usu de motores turbofán d'alta rellación de derivación, menos contaminantes y ruidosos que los turborreactores convencionales.

1. ↑ «A380 superjumbo lands in Sydney» (inglés). BBC News (25 d'ochobre de 2007). Consultáu'l 5 de mayu de 2015.
2. ↑ Negroni, Christine (xunetu de 2014). «747: The World's Airliner» (inglés). Air & Space Magacín. Consultáu'l 2 de xineru de 2015.
3. ↑ http://www.boeing.com/history/products/747.page
4. ↑ "Technical Characteristics – Boeing 747-400", The Boeing Company. Consultáu: 29 d'abril de 2006.
5. ↑ Haenggi 2003, páxs. 14-15.
6. ↑ Sutter 2006, p. 259.
7. ↑ "747 Model Orders and Deliveries data." The Boeing Company, xineru de 2015. Consultáu: 6 de febreru de 2015.