Chandigarh

Chandigarh
Alministración
País	India
Territorios	Chandigarh (en)
Tipu d'entidá	gran ciudá
Cabezaleru/a del gobiernu	Vijayendrapal Singh
Nome oficial	चण्डीगढ़ / चंडीगढ़ (hi) ਚੰਡੀਗੜ੍ਹ (pa) Chandigarh (en)
Nome llocal	ਚੰਡੀਗੜ (pnb)
Códigu postal	160017
Xeografía
Coordenaes	30°44′07″N 76°47′28″E / 30.7353°N 76.7911°E / 30.7353; 76.7911
Chandigarh Chandigarh (India)
Superficie	114 km²
Altitú	350 m
Demografía
Población	1 055 450 hab. (2011) - 580 663 homes (2011) - 474 787 muyeres (2011)
Porcentaxe	100% de Chandigarh (en) 0.08% de India
Densidá	9258,33 hab/km²
Más información
Fundación	1953
Prefixu telefónicu	172
Estaya horaria	UTC+05:30
chandigarh.gov.in

Chandigarh ( [tʃə̃ˈɖiːɡəɽʱ] (?·i) panyabí: ਚੰਡੀਗੜ੍ਹ, hindi: चंडीगढ़) ye una ciudá de la India que sirve de capital a dos estaos: Panyab y Jariana. Sicasí, la ciudá nun pertenez a nengún d'estos estaos, sinón que ye alministrada de forma direuta pol gobiernu federal como'l Territoriu de Chandigarh.

El primer arquiteutu de la ciudá foi'l francu-suizu Le Corbusier, que desenvolvió los principales edificios de gobiernu y tamién inmuebles culturales como'l Muséu del Gobiernu y Galería d'Arte. Acomuñáu con Edwin Fry y Jane Drew realizó'l proyeutu pa la nueva capital del Panyab en 1951.^[1] Na actualidá, Chandigarh recueye la mayor concentración d'obres de Le Corbusier.

La ciudá ta estremada en sectores, que van del 1 al 60. Cada unu d'estos sectores funciona como una ciudá independiente, colos sos propios mercaos, templos y escueles asitiaos a una distancia inferior a los 10 minutos andando dende cualquier estremu. Cada sector tien aproximao 1,5 km por 1,5 km. El sector númberu 17 ta consideráu como'l centru de la ciudá.

La población de Chandigarh tien un altu nivel d'alfabetización, cercanu al 97 %. Na ciudá atópense numberoses escueles ya institutos de sonadía. Ye amás la sede de diversos centros d'estudios cimeros.

La población de la ciudá ye d'aproximao 900 000 habitantes. D'estos, un 78,6 % practica'l hinduismu, un 16,1 % el sikhismu ente que un 4 % ye musulmana.

1. ↑ Kreiman, Sergio (6 de mayu de 2015). «Jane Drew 1911-1996». Consultáu'l 14 de setiembre de 2016.