Euskaltel-Euskadi

Euskaltel-Euskadi
Situación
Estáu	España
Datos
Nome oficial	Euskadi-Petronor
Tipu	Grupu Deportivu II UCI
Fundáu en	1994
Desapaecíu en	2013
Códigu UCI	EUS
Web oficial

Euskaltel-Euskadi (códigu UCI: EUS) foi un equipu ciclista español profesional de categoría UCI ProTeam, propiedá de la Fundación Euskadi.

Foi'l segundu equipu col patrocinador que más años llevaba nes carreteres en tol mundu: Euskadi (19 temporaes en 2012),^[1] por detrás del Lotto (con 26 temporaes en 2012), siendo amás l'equipu n'activu que más años caltuvo'l so mesmu nome (15 años en 2012). Foi equipu UCI ProTeam (máxima categoría del ciclismu profesional) dende la creación de dicha división en 2005. Tamién participó en delles carreres del Circuitu Continental sobremanera les españoles.

La singularidá del Euskaltel-Euskadi anició en que tolos sos corredores yeren orixinarios del País Vascu, Navarra o País Vascu francés (zona denominada Euskal Herria) o formaren parte de les categoríes inferiores de dalgún equipu de los territorios antes mentaos. Sicasí, por cuenta de la escasez de resultaos (8 victories en 2012) y colos cambeos enllantaos pola UCI, onde por que un equipu perteneza a la máxima categoría tomar en cuenta los puntos llograos nos dos años precedentes de los meyores ciclistes contrataos pa la temporada siguiente, Igor González de Galdeano y la empresa Euskaltel decidieron camudar la filosofía del equipu y contratar ciclistes estranxeros qu'apurrieren puntos, ante la posibilidá de quedar fora del UCI WorldTour.^[2][3][4] Por cuenta de ello a partir de 2013, la Fundación Euskadi quedó estremada del nuevu proyeutu del equipu, faciéndose cargu del presupuestu y xestión la empresa de telecomunicaciones Euskaltel que prometió destinar cuasi 40 millones d'euros mientres les siguientes 4 temporaes.^[5][6]

El mánager xeneral foi Miguel Madariaga anque tamién dirixó l'equipu Igor González de Galdeano mientres unos años, ente que la direición deportiva corría al cargu de Julián Gorospe y darréu tamién del propiu Igor González de Galdeano. Los direutores auxiliares fueron Gorka Gerrikagoitia, Josu Larrazabal^[7][8] Jon Odriozola y Iñaki Isasi ente otros.

Los sos principales patrocinadores fueron Euskaltel y les alministraciones vasques: el Gobiernu Vascu (so la marca Euskadi) y les Diputaciones Forales de Vizcaya, Guipúzcoa y Álava.

Por cuenta de que taba dientro de la Fundación Euskadi tuvo un equipu filial de categoría Continental, l'Orbea, onde terminen la so formación antes de debutar nel primer equipu los sos nuevos valores. Coles mesmes, cuntó con un equipu sub-23 propiu, el Naturgas Enerxía, y tamién con cuatro equipos sub-23 conveníos: trés vascos y unu navarru. Tamién patrocinó individualmente a ciclistes d'otres disciplines como ye'l casu de Josetxu Pedrosa nel paraciclismo.

1. ↑ El Correo (ed.): «El superviviente cumple 15 años» (2 d'avientu de 2007). Consultáu'l 6 de setiembre de 2008.
2. ↑ biciciclismo.com (ed.): «El futuro de Euskaltel-Euskadi, un cambio necesario para seguir en la élite». Consultáu'l 20 d'ochobre de 2012.
3. ↑ biciciclismo.com (ed.): «Euskaltel-Euskadi y los puntos, la hora de la verdad». Consultáu'l 20 d'ochobre de 2012.
4. ↑ biciciclismo.com (ed.): «Euskaltel-Euskadi, 7 fichajes que confirman un nuevo ciclo». Consultáu'l 20 d'ochobre de 2012.
5. ↑ elcorreo.com (ed.): «La Fundación Euskadi seguirá con un equipo continental». Consultáu'l 20 d'ochobre de 2012.
6. ↑ Deia (ed.): «Euskaltel-Euskadi contará con ocho ciclistas extranjeros la próxima temporada». Archiváu dende l'orixinal, el 15 d'ochobre de 2012. Consultáu'l 20 d'ochobre de 2012.
7. ↑ Web oficial del UCI WorldTour (ed.): «EUSKALTEL-EUSKADI (EUS) - ESP». Archiváu dende l'orixinal, el 8 de marzu de 2012. Consultáu'l 28 de xunetu de 2011.
8. ↑ El Correo (ed.): «El equipo que sabe sobrevivir». Consultáu'l 6 de setiembre de 2008.