Idioma cumucu

Cumuco Къумукъ тили / Qumuq tili
Faláu en	Rusia
Rexón	Daguestán, Chechenia, Osetia del Norte
Falantes	~ 500 000
Familia	Altaica   Túrquico    llingües kypchak     L. karachai-balkar      Cumuco
Alfabetu	Cirílicu
Estatus oficial
Oficial en	Daguestán
Reguláu por	Nun ta reguláu
Códigos
ISO 639-1	nengún
ISO 639-2	kum
ISO 639-3	kum

El cumuco ye una llingua túrquica, falada per alredor de 450 000 persones (los cumucos) na República de Daguestán, el norte de Chechenia y Osetia del Norte, en Rusia.

Los cumucos son descendientes de los tártaros de Siberia que se treslladaron a El Cáucasu mientres el tiempu posterior a la fundación de los Estaos tártaru-mongoles, escontra'l sieglu XV.

Créese que, antes de la incorporación del Cáucasu al Imperiu rusu, el cumuco sirvió como llingua de comunicación interregional en Daguestán. Y foi influyíu a lo llargo de la so historia pol azerbaixanu, el darguino y el rusu.

El cumuco escribióse usando la escritura árabe hasta 1927, fecha na que s'empezó a usar la escritura en calteres llatinos, que'l so usu duró de 1927 a 1937, d'ende hasta l'actualidá emplegóse l'alfabetu cirílicu pa escribir esta llingua.

Les primeres publicaciones periódiques en cumuco apaecieron ente 1917 y 1918. Na actualidá, el periódicu Yoldash, socesor del diariu soviéticu Lenin, imprime aproximao 5000 exemplares trés vegaes a la selmana.