El términu islla de California fai referencia a un error cartográficu européu del sieglu XVI, nel cual, la península de Baxa California apaez dixebrada del restu d'América del Norte, representándose como una islla separada del restu del continente por un supuestu estrechu, qu'en realidá ye'l golfu de California.
Trátase, poro, d'unu de los errores cartográficos más importantes de la hestoria, siendo llargamente espublizáu en mapes de los sieglos XVII y XVIII, magar que delles esploraciones yá apurrieren pruebes que contradicíen la supuesta islla de California (como la temprana espedición de Francisco de Ulloa en 1539-40).
Esti error ta bien amestáu a la creencia de la esistencia del estrechu de Anián, un supuestu estrechu que conectaría'l Pacíficu col golfu de San Llorienzo.
© MMXXIII Rich X Search. We shall prevail. All rights reserved. Rich X Search