James Blake

James Blake
Vida
Nacimientu	Yonkers (es) [1], 28 d'avientu de 1979[1] (44 años)
Nacionalidá	Estaos Xuníos [2]
Residencia	Westport
Estudios
Estudios	Universidá de Harvard
Oficiu
Oficiu	tenista, escritor, autobiógrafu
Trayeutoria Años Equipu Competiciones - Harvard Crimson men's tennis
Participante Xuegos Olímpicos de Beixín 2008
Pesu	83 kg
Altor	185 cm
jamesblaketennis.com

James Riley Blake (28 d'avientu de 1979, Yonkers ^(es) ) ye un extenista d'Estaos Xuníos.

Conocíu sobremanera pol so potente y rápida derecha plana, Blake consiguió ganar 10 títulos (toos en pistes dures) en 24 finales individuales y otros 7 títulos en 10 finales xugando dobles. Hai de solliñar la final de la Tennis Masters Cup de Xangai en 2006, la final d'Indian Wells en 2005, la final de Cincinnati en 2006, foi parte fundamental del equipu d'Estaos Xuníos campeón de Copa Davis nel añu 2007 y nos Xuegos Olímpicos de Beixín 2008 algamó les semifinales. Blake aportó a nᵘ na clasificación de l'ATP y nᵘ d'América.

Empezó a xugar a tenis con 5 años, a los 13 diagnosticóse-y escoliosis, y mientres tola so adolescencia viose obligáu a llevar un soporte de llombu gran parte del día. A pesar d'ello siguió xugando al tenis y atopó la so inspiración falando con Arthur Ashe (el so modelu a siguir). Brian Baker foi'l so primer entrenador y acompañólu dende l'entamu hasta la so retirada del tenis profesional el 29 d'agostu de 2013, al ser esaniciáu del Abiertu d'Estaos Xuníos nel so postreru partíu de dobles.

En 2004, un choque contra'l poste nun entrenamientu con Robby Ginepri mientres s'entrenaben pal Masters de Roma, provocó-y una quebra nuna vértebra del pescuezu. Al añu siguiente volvió al circuitu y foi gallardoniáu col premiu Regresu del Añu. En 2008 foi gallardoniáu con otru premiu, el Arthur Ashe Humanitarian of the Year. En 2007 publicóse la so autobiografía: Breaking Back: How I Lost Everything and Won Back My Life, que debutó nel puestu 22 na llista de Superventes (Best Seller) de The New York Times.

1. ↑ ^{1,0 1,1} Afirmao en: The Bud Collins History of Tennis. Páxina: 685. Editorial: New Chapter Press. Llingua de la obra o nome: inglés. Data d'espublización: 2010. Autor: Bud Collins.
2. ↑ Afirmao en: sitio web de la ATP.