Michelle LaVaughn Robinson Obama (17 de xineru de 1964, Chicago) ye una abogada d'Estaos Xuníos, esposa del cuarentenu cuartu presidente d'Estaos Xuníos, Barack Obama. Foi primer dama de los Estaos Xuníos ente'l 20 de xineru de 2009 y el 20 de xineru de 2017, siendo la única primer dama afroamericana del so país na hestoria.
Michelle Robinson nació y creció na zona sur de Chicago y graduóse nes universidaes de Princeton y Harvard. Dempués de completar la so formación académica, trabayó nel despachu d'abogaos Sidley Austin en Chicago, onde conoció al so futuru maríu Barack Obama. Simultáneamente formó parte del gabinete del alcalde de Chicago Richard M. Daley y trabayó nel Centru Médicu de la Universidá de Chicago. A lo llargo de 2007 y 2008, collaboró na campaña presidencial del so maríu y pronunció un discursu na Convención Nacional Demócrata de 2008. Michelle ye madre de dos fíos, Malia y Sasha, y hermana de Craig Robinson, l'entrenador del equipu masculín de baloncestu de la Universidá Estatal d'Oregón.
© MMXXIII Rich X Search. We shall prevail. All rights reserved. Rich X Search