Orde de Santiago

Orde de Santiago
orden militar (es) , orden de caballería (es) y orde
Llocalización
Sede	Uclés
Direición	España Portugal
Historia
Fundación	1170
Fundador	Fernandu II de Llión
Orixe del nome	Santiago el Mayor (es)
Participación empresarial
Formáu por	caballero de la Orden de Santiago (es) Cruz de Santiago (es) Gran Mayestru de la Orde de Santiago Maestre de la Orden de Santiago (es)
Bolsa de valores	órdenes militares españolas (es)
Web oficial

La Orde de Santiago ye una orde relixosa y militar surdida nel sieglu XII nel Reinu de Llión. Debe'l so nome al patrón d'España, Santiago'l Mayor. El so oxetivu inicial yera protexer a los pelegrinos del Camín de Santiago y espulsar a los musulmanes de la península ibérica.

La orde tuvo'l so orixe na ciudá de Cáceres a partir de l'anterior orde de los Fratres de Cáceres. L'obispu de Santiago de Compostela fomentó esta conversión en cuenta de que la dicha orde, na so meyora reconquistadora escontra'l sur, nun reclamara la devolución del arzobispáu a Mérida, onde tuviera hasta que la invasión de los musulmanes encamentó'l so treslláu al norte, a Santiago de Compostela.^[1] Tres la muerte del gran maestre Alonso de Cárdenas en 1493, los Reis Católicos incorporaron la Orde a la Corona d'España y el papa Adriano VI xunió pa siempres el maestrazgo de Santiago a la corona en 1523.

La primer República suprimió la Orde en 1873 y, anque na Restauración foi restablecida, quedó amenorgada a un institutu nobiliariu de calter honoríficu rexíu por un Conseyu Cimeru dependiente del Ministeriu de la Guerra, que quedó de la mesma escastáu tres la proclamación de la segunda República en 1931.

La Orde de Santiago, xunto coles de Calatrava, Alcántara y Montesa, foi reinstaurada como una asociación civil nel reináu de Xuan Carlos I col calter d'organización nobiliaria honorífica y relixosa y como tal permanez dende finales del sieglu XX.

1. ↑ Ballesteros, 2004, p. 53.