El siliciu[1] ye un elementu químicu non metálicu de númberu atómicu 14 y símbolu Si, allugáu nel grupu 14 de la tabla periódica. Ye'l segundu elementu más abondante na corteya terrestre (27,7% en pesu) depués del oxíxenu. Preséntase en forma amorfa y cristalizada; la primer forma ye un polvu parduzo, más activiu que la variante cristalina, que se presenta n'octaedros de color azul agrisao y brillu metálicu.
Les sos propiedaes tán entemedies de les del carbonu y el xermaniu. En forma cristalina ye perduru y poco soluble y presenta un brillu metálicu y color agrisao. Magar que ye un elementu relativamente inerte y resista l'aición de los más de los ácidos, reacciona colos halóxenos y álcalis diluyíos. El siliciu tresmite más del 95% de les llonxitúes d'onda de la radiación infrarroxo.
© MMXXIII Rich X Search. We shall prevail. All rights reserved. Rich X Search