Malhun Xatun

Malhun Xatun
оsmanlı türkcəsi: مال خاتون‎ türkcə: Malhun Hatun
Şəxsi məlumatlar
Doğum tarixi	XIII əsr
Doğum yeri	Osmanlı imperiyası
Vəfat tarixi	1324
Vəfat yeri	Bursa, Osmanlı imperiyası
Dəfn yeri	Malhun Xatun türbəsi, Biləcik, Türkiyə
Milliyyəti	türk
Vətəndaşlığı	Osmanlı imperiyası
Fəaliyyəti	əsilzadə
Atası	Ömər bəy
Həyat yoldaşı	I Osman
Uşağı	I Orxan Çoban bəy Məlik bəy Bazarlı bəy Həmid bəy Fatma xatun
Ailəsi	Osmanlı xanədanı
Dini	islam
Vikianbarda əlaqəli mediafayllar

Malhun Xatun, Mal-xatun və ya Qəməriyyə xatun^[1][2] (оsmanlı türkcəsi: مال خاتون‎, türkcə: Malhun Hatun) (XIII əsr — 1324, Bursa, Osmanlı imperiyası) — Osmanlı imperatorluğunun qurucusu I Osmanın həyat yoldaşı, imperiyanın ikinci sultanı I Orxanın anası. "Osman Qazinin yuxusu" əfsanəsinin qəhrəmanı.

Osman bəylə 1280-ci ildə ailə həyatı quran və 40 il kimi uzun bir müddətdə onunla evli qalmış olan Malhun Xatun bu evlilikdən 1281-ci ildə Osman bəyin ilk oğlu olan və vəliəhd xəttində birinci sırada duran Orxan Qazini və ondan sonra anadan olan 4 bəyi və 1 xatunu dünyaya gətirmişdir.^[3] 1324-cü ildə Osman bəyin vəfatından sonra Orxan bəy Osmanlı bəyliyinin ikinci başçısı seçilmişdir.^[4] Beləliklə, Malhun Xatun Osman bəyin anası Həlimə Xatundan sonra Osmanlı imperiyasının ikinci validə sultanı olmuş, lakin Orxan bəy sultan olduğu zaman həyatda olmadığı üçün sağlığında bu adı qazana bilməmişdir.^[5] Haqqında məlumatın az olması Osmanlı mənbələrinin, sənədlərinin itməsi, azalması, 1402-ci ildə Osmanlı imperiyasına doğru yürüş edən Teymurilər dövlətinin başçısı Əmir Teymurun istilası zamanı Osmanlı mənbələrinin yandırılması və s. səbəblərlə əlaqələndirilir. Malhun Xatun Osmanlı xanədanında qədim və önəmli bir yerə sahibdir.

1. ↑ Sakaoğlu, 2007, səh. 29 (türk).
2. ↑ "Osmanın imperial evi". www.4dw.net (ingilis). 2002-06-16 tarixində arxivləşdirilib. İstifadə tarixi: 08.03.2023.
3. ↑ "Malhun Xatun kimdir?". milliyyet.com.tr (türk). 2023-03-08 tarixində arxivləşdirilib. İstifadə tarixi: 2023-03-08.
4. ↑ "Orxan bəy". www.islamansiklopedisi.org.tr (türk). 2022-05-13 tarixində arxivləşdirilib. İstifadə tarixi: 2023-03-08.
5. ↑ Akyıldız, 2012, səh. 494. (türk).