Camat

Aksara Latin

Camat inggih punika jadma sané ngamanggalain kecamatan dados perangkat daérah kabupatén utawi kota. Camat malinggihan dados koordinator panyelenggaran pemeréntahan ring wawengkon kecamatan, magenah ring sor, miwah maswadharma majeng bupati saking sékretaris daérah kabupatén utawi kota. Camat kaangkat olih bupati utawi wali kota antuk usul sékretariat daérah kabupatén utawi kota majeng Aparatur Sipil Negara sané ngamenuhin prasyarat.

Manut saking Peraturan Pemerintah No. 19 Warsa 1998 indik Kecamatan, camat utawi pamimpin, miwah koordinator penyelenggaraan pamréntahan ring wewidangan kerja kecamatan sané sajeroning ngamargiang tugasnyané ngamolihang pamargi saking Bupati/Wali kota antuk nanganin makudang-kudang urusan otonomi daérah, miwah menyelenggarakan tugas umum pamréntahan.

Camat kaangkat olih bupati/wali kota manut usulan sekretaris daerah kabupatén/kota saking aparatur sipil negara sané maduwé kawruhan teknis pamréntahan, miwah nagingin persyaratan manut ring paraturan undang-undang.