Wénten 23 taman nasional ring Polandia. Sadurungné kamargiang olih Déwan Taman Nasional Polandia (Polandia: Krajowy Zarząd Parków Narodowych), menawi ring 2004 kaambil alih olih Kementerian Palemahan Urip. Makéhan taman nasional kakepah manados wawengkon sané kasaibin sacara ketat miwah atenga. Tiosan punika, dané kaiterin olih wawengkon panyangga saiban sané kaaranin otulina.
Ring Polandia, sekadi amandemén kamargiang ring Awig-awig Konservasi Palemahan, 2004,[1] taman nasional "ngajangkepin wawengkon sané ngelah aji palemahan, kawikanan, sosial, budaya miwah pandidikan, antuk jimbar nénten kirang saking 1000 ha, sané nyaibin sajebag palemahan miwah kualitas lanskap. Taman nasional kakardi antuk ngajegang kaakéhan soroh, wit wasa, objék miwah élemén aji palemahan miwah lanskap sané nénten urip, antuk ngawaliang painsikan wit wasa palemahan miwah komponén sané patut miwah antuk ngawangun malih habitat alami sané kadistorsi, entikan, habitat satwa miwah habitat oong."
Wawengkon taman nasional kakepah manados wawengkon sané matiosan nganggén metode konservasi kawelasang. Wénten wawengkon kasaihin ketat, taler wawengkon aktif miwah kakait lanskap.
Wawengkon sané mawatesan sareng taman nasional katetapang manadoa wawengkon panyangga. Wawengkon panyangga prasida ngajangkepin wawengkon pasaiban satwa borosan, ring dija paborosan tan kalugra. Taman nasional prasida karauhin, menawi wantah wawengkon katentu, miwah ring salantang marga katentu.
Taman Nasional Polandia kadanain saking anggaran pusat. Dané kakelola olih manggala, manados badan pamititur déwan taman. Ring tanggal 30 April 2004 taman kaawasin olih Badan Nasional Taman Nasional. Saking 1 Méi 2004, swadharma punika kaambil alih olih Kamenterian Palemahan Urip - Departemén Kawaan, Palestarian Palemahan miwah Lanskap saking 19 Januari 2007 olih Departemén Indepénden antuk Wawengkon miwah Taman Nasional Natura 2000. Sesamoun pangadegan GDOŚ miwah RDOŚ ring 15 Oktober 2008, pangawasan taman kamargiang olih Departemén Konservasi Kamenterian Palemahan Urip.
Taman nasional Polandia sampun ngamargiang makudangbprogram panilikan miwah dané manados palajahan ékologi para krama. Taman nasional akéh nyadiayang genah wisata, pusat pandidikan, miwah museum lelintihan palemahan.
Pasisi Segara Baltik | Sabuk dataran éndép | Pagunungan Sudete | |||
Sabuk danu | Sabuk dataran tegeh | Pagunungan Carpathian |
© MMXXIII Rich X Search. We shall prevail. All rights reserved. Rich X Search