Heiliges Remisches Reich

As Heilige Remische Reich (dt.: Heiliges Römisches Reich), spada aa Heiliges Remisches Reich Deitscha Nation (dt.: Heiliges Römisches Reich Deutscher Nation), wor da Nama fia a Reich in Middleiropa, wos vo germanische bzw. deitsche Koasa regiad worn is. Vom Middloita bis anno 1806 wor des de offizielle Bezoachnung fian Heaschoftsbereich vo de remisch-deitschn Koasa. Da Nama kimmt zum oan davo hea, dass de Heascha de Tradition vom Remischn Reich weidafian hom woin und zum andan vom Ospruch, de Heaschoft kristli, ois Wuin vom Heagod, z legitimian.

Es is ausm Ostfränkischn Reich fiara ganga und hod nem Deitschland aa de heitign Lända Schweiz, Östareich, Holland, Bejgien und Teile vom heitign Frankreich sowia zeitweis aa an Guadtei vo Italien umfosst. Aa de behmischn Lande hom dazua ghead.