Schof

Hausschof
Zwoa Schof (Ovis orientalis aries) in de Stubaia Oipn
Systematik
Famij: Heandldroga (Bovidae) Unterfamij: Antilopinae Goddung: Schof (Ovis) Oart: Wuidschof (Ovis orientalis) ohne Rang: Mufflon (Ovis orientalis orientalis-Gruppe) Unteroart: Hausschof
Wissnschoftlicha Nama
Ovis orientalis aries
Linnaeus, 1758

As Schof (Ovis orientalis aries, dt. Hausschaf, engl. sheep) is a Hausviech, wo vom Mufflon obstammt und mid de Goass vawandt is.

In da Gschicht vo da Menschheit spuits Hausschof a ganz wichtige Roin ois Milli-, Fleisch-, Woi- und Fejliefarant.

As Schof is voa umara 10.000 Joar in Anatolien domestiziad worn. Es stammt vom armenischn Mufflon ob. Uaspringle woas Schof nua a Fleischliefarant. Seit umara 5.000 Joar weads Schof aa zweng seina Woi ghoidn.^[1]

Schof ghean wia de Hund, de Rindviecha und de Goass za de äitstn Hausviecha. Se san extrem robust und oospruchslos.

1. ↑ Almut Bick: Die Steinzeit. Theiss WissenKompakt, Stuttgart 2006. ISBN 3-8062-1996-6