Si Papa Francisco (namundag, Jorge Mario Bergoglio kan Desyembre 17, 1936) iyo an ika-266 na Santo Papa asin siya sa ngunyan an nagtutukaw na Papa kan Simbahan Katoliko. Sa siring na katungdan, siya an pamayo kan Simbahan Katoliko asin Poon kan Syudad-estado nin Vaticano.[1] Siya napilì kan Marso 23, 2013 sa ikaduwang aldaw na pagtiripon pakatapos kan limang botohan kan mga kardinal sa Roma. Poon 1998 sagkod sa saiyang pagkaboto bilang papa, siya nagtukaw na Arsobispo kan Buenos Aires, Argentina asin ginibong kardinal kan taon 2001 ni Santo Papa Juan Pablo II.[2]
Si Francisco iyo an pinakainot na Heswita, asin pinakainot na haling Latin Amerika, sarong Argentino, na nabotohan Papa. Siya man an kainot-inoting papa na bakong Europeo, poon kan an Siryanong si Papa Gregorio III nagtukaw sa nasabing pwesto asin nagadan kan 741.
© MMXXIII Rich X Search. We shall prevail. All rights reserved. Rich X Search