Brest

Evit implijoù all, gwelet Brest (disheñvelout).

Brest

Brest gwelet eus ar c'hastell.

Anv gallek (ofisiel)

Brest

Melestradurezh

Penn-ar-Bed

Pennlec'h 5 kanton

29019

29200

Maer
Amzer gefridi

François Cuillandre
2020-2026

Poblañsouriezh

139 456 ann. (2020)^[1]

Stankter

2 817 ann./km²

Douaroniezh

Daveennoù
lec'hiañ

48° 23′ 27″ Norzh
4° 29′ 08″ Kornôg / 48.390834, -4.485556

Uhelderioù

kreiz-kêr : 34 m
bihanañ 0 m — brasañ 103 m

Gorread

49,5 km²

Brest

Brest ([ˈbʀest], a-wechoù [ˈbʀeːst]) eo trede kêr Breizh goude Naoned ha Roazhon, e kornôg pellañ ar vro, e Breizh-Izel hag e Bro-Leon. E departamant Penn-ar-Bed emañ, Kemper o vezañ e bennlec'h. Ur porzh hag un diazezlec'h bras eus ar morlu gall eo. Kêr a oa enni 139 456 annezad e 2020, ha 202 060 er meurgêr e 2018.

Ur porzh a-bouez abaoe Duged Breizh, diorroet e voe evel porzh milourel hepken gant Bro-C'hall goude ma voe staget Breizh outi. Abalamour d'he rol milourel, ha dreist pep tra he bon splujerezioù, e voe bombezet taer gant ar Gevrididi e-pad an Eil Brezel Bed, o tistrujañ al lodenn vrasañ eus ar gêr.

Hiziv e gaver e Brest Skol-veur Breizh-Izel ha skolioù all, en o zouez skolioù ijinourien. Ur pol imbourc'h hag armerzh pennañ war dachenn ar mor eo deuet da vezañ. Sez sokial an IFREMER eo, koulz ha Servij Hidrografek hag Oseanografek ar Verdeadurezh (SHOM), Ensavadur skol-veur europat ar mor (ESEM) hag Ensavadur Gall Paul Emile Victor evit ar Poloù.

↑ Roadennoù ofisiel e lec'hienn an EBSSA

[1] Roadennoù ofisiel e lec'hienn an EBSSA

[1]