Immanuel Kant

Immanuel Kant (22 viz Ebrel, 1724 – 12 a viz C’hwevrer, 1804) a oa ur prederour alaman eus Königsberg e Prusia ar reter (hiziv Kaliningrad, e Rusia). Sellet e vez outañ evel ouzh unan eus soñjerien Europa a vremañ o deus bet ar brasañ levezon hag evel ar prederour bras diwezhañ eus ar Gouleier. Kant a soñje dezhañ e vefe tu tizhout ar peoc'h beurbad dre an demokratelezh hollvedel hag ar c'henskoazell etrebroadel. Krediñ a rae e teufe drezhe war-wel un istor hollvedel.