Al Legio IX Hispania zo ul lejion roman krouet er c'hentañ kantved goude J.-K.
E 43, e savas an impalaer Glaoda un arme evit mont da stourm a-enep priñsed ar Gatuvellauni hag an Drinovantes en Enez Vreizh, enni al Legio II Augusta, al Legio IX Hispania, al Legio XIV Gemina, hag al Legio XX Valeria. Ar penn-jeneral a oa Aulus Plautius. Jeneral al lejion e oa Hosidius Geta.
E 48-49 e oa staget al lejion da Lindum (Lincoln hiziv), e bro ar Goritani.
Er bloaz 71 e oa kaset al lejion da Eburacum (York hiziv), e bro ar Vrigantes, war urzh Quintus Petilius Cerialis, ar jeneral-gouarnour roman evit Britannia romania.
E 83 pe 84, dindan ar jeneral Agricola, e kemeras perzh en Emgann Mons Graupius (Grampians), e Bro-Skos a-vremañ, a-enep armead 30 000 Brezhon ar penngadour Galgacos e-kerzh emgann diwezhañ Brezhoned Enez Vreizh.
© MMXXIII Rich X Search. We shall prevail. All rights reserved. Rich X Search