Sarah Kane

Sarah Kane
Obererezh	c'hoariva
Ganedigezh	3 a viz C'hwevrer 1971 e Brentwood, Essex, Bro-Saoz
Marv	20 a viz C'hwevrer 1999 e King's College Hospital, Londrez
Yezh skrivañ	saozneg
Oberennoù pennañ
Blasted Phaedra's Love Cleansed Crave 4.48 Psychosis Skin
kemmañ

Sarah Kane (3 a viz C'hwevrer 1971 e Brentwood - 20 a viz C'hwevrer 1999 e Londrez) a oa ur c'hoarivaourez saoz. Ar garantez, ar c'hoant, ar boan, ar jahinerezh (hini ar c'horfoù hag hini ar speredoù) hag ar marv eo an dodennoù a gaver en hec'h oberennoù. Enno e kavez ivez galloud ar barzhoniañ, ur yezh eeun hag enklaskoù a-fet leurenniñ. Kalz feulster a zo en hec'h oberennoù kentañ. Kane hec'h-unan, hag ivez arbennigourien war hec'h oberenn evel Graham Saunders, a lavaras e oa levezonet gant ar c'hoariva eztaolour ha tragediennoù saoz an Azginivelezh.^[1] Hervez burutellerien' zo evel Aleks Sierz e voe hec'h oberennoù e-touez ar re a bellaas diouzh an naturouriezh a oa bet dodenn bennañ ar c'hoariva saoz en 20vet kantved.^[2] En holl e savas pemp pezh-c'hoari, ur film berr titlet Skin, ha daou bennad e-barzh The Guardian.

1. ↑ Graham Saunders : Love me or kill me: Sarah Kane and the theatre of extremes, 2002, Manchester University Press : 2002, ISBN 0-7190-5956-9
2. ↑ Aleks Sierz : In-yer-face theatre: British drama today , 2001, Faber and Faber, Londrez ISBN 0-571-20049-4