Sex Pistols

Sex Pistols
Ar Sex Pistols e 1977
Bro orin	Londrez, Rouantelezh Unanet
Doare(où)	punk
Bloavezhioù oberiant	1975–1978 1996 2002–2003 2007–bremañ
Label(ioù)	EMI, A&M, Virgin, Warner Bros.
Lec'hienn ofisiel	http://www.sexpistolsofficial.com
Izili	John Lydon Steve Jones Paul Cook Glen Matlock
Izili bet er strollad	Sid Vicious
Endro	Public Image Ltd. The Professionals The Rich Kids Neurotic Outsiders Vicious White Kids Sham Pistols Ex Pistols Siouxsie and the Banshees The Flowers of Romance
kemmañ

Sex Pistols a zo ur strollad sonerien bunk bet savet e Londrez e 1975. Ganto eo e voe lañset al luskad punk er Rouantelezh Unanet, ha meur a strollad punk all a voe levezonet ganto. Gwelet int ivez evel unan eus ar strolladoù sonerezh tredan pouezusañ, daoust ma ne badas ar strollad nemet 2 vloaz hanter, ha ma ne lakjont embann nemet peder fladenn vihan (singles) hag un albom anvet Never Mind the Bollocks, Here's the Sex Pistols.^[1]

Er penn-kentañ e oa pevar ezel er strollad : Johnny Rotten, ar gitarour Steve Jones, an tabouliner Paul Cook hag ar soner gitar boud Glen Matlock. Sid Vicious a gemeras lec'h Matlock e penn-kentañ 1977. Malcolm McLaren eo an hini a reas war-dro ar strollad. Meur a wech e savas reuz er Rouantelezh Unanet abalamour dezho : meur a sonadeg a voe berzet, ha reuz a savas ivez p'en em ziskouezent. Gant o c'hanaouennoù e savas reuz ivez, evel ma c'hoarvezas gant ar bladenn single "God Save the Queen" e 1977.^[2]

E miz Genver 1978, goude un droiad rouestlek er Stadoù-Unanet, ec'h embannas Rotten e kuitae ar strolald hag e oa divodet neuze. Er mizioù da-heul e kendalc'has an tri ezel all da enrollañ tonioù evit at film The Great Rock 'n' Roll Swindle. Vicious a varvas abalamour d'an heroin e miz C'hwevrer 1979. E 1996 en em vodas en-dro Rotten, Jones, Cook ha Matlock, hag ec'h aozjont un droiad anvet Filthy Lucre Tour. Meur a sonadeg o deus graet abaoe 2002. D'ar 24 a viz C'hwevrer 2006 e voe kinniget ar Sex Pistols —ar pevar ezel orin ha Vicious— er Rock and Roll Hall of Fame, met nac'h a rejont kemer perzh el lid, o tisplegañ e oa ar mirdi-se un tarch staot ( saozneg : "a piss stain")^[3].

1. ↑ Sex Pistols, Rock and Roll Hall of Fame http://www.rockhall.com/hof/inductee.asp?id=2408
2. ↑ O'Hagan, Sean, 2 May 2004 Fifty Years of Pop, The Observer http://www.guardian.co.uk/music/2004/may/02/popandrock
3. ↑ Sprague, David, 24 February 2006, Sex Pistols Flip Off Hall of Fame Rolling Stone https://web.archive.org/web/20080217032318/http://www.rollingstone.com/news/story/9385165/sex_pistols_flip_off_hall_of_fame