Tuniz

Tuniz (تونس, Tūnis en arabeg, Tunes e tamazigh) eo kêr-benn Tunizia hag ar gêr vrasañ er vro-se. 638 845 a dud a zo o chom enni hervez niveradeg 2014, hag ouzhpenn 2 643 000 e "Tuniz Veur", ar meurgêr hag en em zispleg war peder gournelezh, da lâret eo 14% eus poblañs ar vro. Aze emañ kalon buhez armerzhel, kenwerzhel, politikel, melesdraturel ha sevenadurel ar vro.

E norzh ar vro emañ ar gêr, e foñs pleg-mor Tuniz disrannet anezhi dioutañ gant ul loc'h anvet Lenn Tuniz. Enskrivet eo ar Medina, ar c'harter kozh, war Glad bedel an Unesco.