Dryslwyn

Pentref bychan yn Sir Gaerfyrddin yw'r Dryslwyn. Fe'i lleolir ar lan ogleddol Afon Tywi tua hanner ffordd rhwng Caerfyrddin i'r gorllewin a Llandeilo i'r dwyrain. Fymryn i'r gogledd ceir pentref Felindre.

Ar graig ger y pentref ceir adfeilion Castell y Dryslwyn, a fu am gyfnod yn safle prif lys tywysogion Deheubarth. Codwyd y castell gwreiddiol gan Rhys Gryg, un o feibion yr Arglwydd Rhys, yn y 1220au.