Gemau Olympaidd yr Haf 2012

Gemau'r XXX Olympiad

Dinas	Llundain, Lloegr
Arwyddair	Inspire a Generation (Ysbrydola Genhedlaeth)
Gwledydd sy'n cystadlu	183 (wedi cymhwyso) 204 (amcangyfrif)
Athletwyr sy'n cystadlu	10,500 (amcangyfrif)
Cystadlaethau	302 mewn 26 o Chwaraeon Olympaidd
Seremoni Agoriadol	27 Gorffennaf
Seremoni Gloi	12 Awst
Stadiwm Olympaidd	Stadiwm Olympaidd Llundain

Digwyddiad aml-chwaraeon rhyngwladol pwysig oedd Gemau Olympaidd yr Haf 2012, a adnabyddir yn swyddogol fel Gemau'r XXX Olympiad ac a gynhaliwyd yn Llundain, Lloegr o 27 Gorffennaf hyd 12 Awst 2012.^[1] Roedd oddeutu 10,000 o athletwyr o 204 o Bwyllgorau Cenedlaethol Olympaidd yn cymryd rhan.^[2] O ran nifer y medalau, Unol Daleithiau America a orfu, gyda Tsieina'n ail a Phrydain yn drydydd.

Cytunwyd ar y lleoliad ar 6 Gorffennaf, 2005 ar eisteddiad y 117fed sesiwn o'r corff rheoli a oedd yn cyfarfod yn Singapôr, pan drechwyd ymgais Moscow, Madrid a Paris. Arweinyddion yr ymgais am y gemau ar ran Llundain oedd Sebastian Coe a Ken Livingstone.^[3] Llundain oedd y ddinas gyntaf i gynnal y Gemau Olympaidd modern deirgwaith,^[4][5] wedi iddynt gynnal Gemau Olympaidd yr Haf 1908 ac 1948.^[6][7]

Bu beirniadaeth ynglŷn â chyllid y gemau,^[8][9] ond croesawyd hwy gan eraill oherwydd yr ail-ddatblygu y buasai'n digwydd yn nwyrain Llundain – yn enwedig ar sail cynaliadwyedd.^[10] Canolbwynt y gemau oedd Parc Olympaidd 200 hectar, a adeiladwyd ar gyn-safle ddiwydiannol yn Stratford, Llundain.^[11] Defnyddiodd y Gemau hefyd nifer o leoliadau oedd eisoes wedi eu hadeiladu cyn cychwyn y cais.

1. ↑  International Olympic Committee – London 2012. Pwyllgor Olympaidd Rhyngwladol. Archifwyd o'r gwreiddiol ar 1 Awst 2008. Adalwyd ar 3 Awst 2008.
2. ↑ "Olympics – Countries". BBC Sport. Cyrchwyd 19 Gorffennaf 2012. From the 27th of July 2012 – 204 countries will send more than 10,000 athletes to compete in 300 events
3. ↑  London 2012: Election. Pwyllgor Olympaidd Rhyngwladol. Archifwyd o'r gwreiddiol ar 4 Hydref 2009. Adalwyd ar 2 Hydref 2009.
4. ↑  Coe promises Olympics to remember. BBC Sport (6 Gorffennaf 2005). Adalwyd ar 3 Awst 2008.
5. ↑ Mae Athen hefyd wedi cynnal tri digwyddiad a drefnwyd gan y Pwyllgor Olympaidd Rhyngwladol, 1896, 2004 a'r Gemau Intercalated yn 1906. Ond nid yw Gemau 1906 yn cael ei gydnabod gan y pwyllgor bellach, gan nad ydynt yn ffitio patrwm pedair blynyddol y Gemau Olympaidd modern.
6. ↑  London's first Olympics. BBC Sport (26 Ebrill 2008).
7. ↑  The 1948 London Olympics Gallery. BBC History. Archifwyd o'r gwreiddiol ar 18 Gorffennaf 2008. Adalwyd ar 3 Awst 2008.
8. ↑  London plan at-a-glance. BBC News (5 Mehefin 2005). Adalwyd ar 2 Hydref 2009.
9. ↑  What is the London 2012 Olympics?. politics.co.uk (24 Ebrill 2008). Adalwyd ar 2 Hydref 2009.
10. ↑  Building a sustainable Games. London 2012. Archifwyd o'r gwreiddiol ar 18 Hydref 2009. Adalwyd ar 2 Hydref 2009.
11. ↑  Newham London: The Olympic Park. London Borough of Newham. Adalwyd ar 1 Ebrill 2012.