![]() | |
Enghraifft o'r canlynol | cynghrair, gwaith ysgrifenedig, digwyddiad hanesyddol ![]() |
---|---|
Awdur | Nithard ![]() |
Iaith | Rhine Franconian, Gallo-Romance ![]() |
Dechrau/Sefydlu | 14 Chwefror 842 ![]() |
![]() |
Cytundeb milwrol a wnaed ar 14 Chwefror 842 oedd Llwon Strasbwrg (Lladin: Sacramenta Argentariae). Tyngodd Siarl Foel a Louis yr Almaenwr llwon yn erbyn eu brawd hŷn Lothair, etifedd dynodedig Louis Dduwiol, a oedd yn olynydd i Siarlymaen.[1] Flwyddyn yn ddiweddarach byddai Cytundeb Verdun yn cael ei arwyddo gan y tri brawd, gyda'r canlyniad y byddai yr Ymerodraeth Garolingaidd yn cael ei rhannu rhwngddynt.
Tyngodd Louis yr Almaenwr ei lw mewn iaith Romáwns er mwyn i filwyr Siarl Foel ei ddeall. Yn yr un modd, tyngodd Siarl mewn iaith Germaneg er mwyn i filwyr Louis ei ddeall yntau. Mae'r testun Romáwns yn arbennig o bwysig i ieithyddiaeth hanesyddol, gan mai dyma'r ddogfen hynaf sy'n bodoli yn Ffrainc a ysgrifennwyd mewn ffurf gynnar o Ffrengig.[2]
© MMXXIII Rich X Search. We shall prevail. All rights reserved. Rich X Search