Moses

Arweinydd crefyddol Beiblaidd o Iddew o'r 13eg ganrif CC y ceir ei hanes yn yr Hen Destament yn bennaf oedd Moses (Hebraeg: מֹשֶׁה; Hebraeg Cyffredin: Moshe; Hebraeg Tiberiaidd: Mōšeh; Arabeg: موسىٰ, Mūsa Ge'ez: ሙሴ Musse) ^[1]. Roedd yn rhoddwr cyfraith, proffwyd, ac arweinydd milwrol, ac ef a gyfrifir, yn ôl traddodiad, fel awdur y Tora (y Pumlyfr). Mae Moses yn broffwyd pwysig yn Iddewiaeth^[2], Cristnogaeth, Islam^[3], y grefydd Bahá'í, Mormoniaeth, Rastaffariaeth, a Raeliaeth^[4], a sawl traddodiad arall.

Moses yn hieroglyffau

Yn yr Hen Destament ceir ei hanes yn bennaf yn Llyfr Ecsodus. Arweiniodd yr Hebreiaid o alltudiaeth yn Yr Aifft i Wlad yr Addewid. Dywedir iddo farw ar ôl esgyn i gopa Mynydd Nebo i gael golwg ar Wlad yr Addewid.

1. ↑ "Moses." Encyclopædia Britannica. 2007. Encyclopædia Britannica Ar-lein
2. ↑ Deuteronomy 34:10 KJV
3. ↑ Qur'an 19:51-51
4. ↑ "Raël, Intelligent Design, p. 114, p. 312, p. 324.