C'l artìcul chè 'l è scrit in
Miranduléś |
![]() | ||
Notorious, l'amante perduta | ||
![]() Cary Grant e l'Ingrid Bergman in na figùra dal film | ||
Malfamàda, l'amànta pardùda 1946 | ||
---|---|---|
Regìa: Alfred Hitchcock | ||
Scritōr: John Taintor Foote • Ben Hecht Alfred Hitchcock • Clifford Odets | ||
Atōr: Cary Grant • Ingrid Bergman • Claude Rains Louis Calhern • Leopoldine Konstantin • Fay Baker Reinhold Schünzel • Moroni Olsen • Ivan Triesault | ||
Müsica: Roy Webb | ||
Léngua: Ingléś • Francéś • Purtughéś | ||
Dürä dal film: 101 minüt | ||
Nasiōṅ: Stat Unî |
Notorious, l'amante perduta (Malfamàda, l'amànta pardùda) 'l è 'n film dramàtic dal 1946 'd Alfred Hitchcock girâ in biànc e négar trat da 'l rumànś “The Song of the Dragon” ad John Taintor Foote. In dal 2006 'l è stâ sarnî p'r èsar tgnû dacàt in dal National Film Registry dla blibliutéca dal cungrès di Stat Unî.
Custâ dū migliòṅ ad dòlar a 'l incìrca, al 'n à pò fat sù da piò ad vint-quàtar.
In di méś sucesìṿ a la fiṅ dla secónda guèra mundiàla John Huberman (Fred Nurney), na spia tedésca, al vîṅ cundanâ in di Stat Unî a vint an ad parśòṅ. 'L agìnt segrét T.R. Devlin (Cary Grant) al và a pascàr sò fiōla Elena (Ingrid Bergman) durànt na fèsta e al gh dmanda ad lauràr par cònt dal guèr'n americàṅ par tōr part a na misiòṅ in Braśìl par dasquaciàr un cumplòt naśìsta. Lì lē, anc s'la n s sènt minga bòna par 'l incàrag, la gh diś ad sè parchè la s vōl riscatàr e anc parchè piàn piàṅ la capìs 'd ès'r-as inamuràda 'd lò.
Durànt al viàś la vèṅ a savér che sò pàd'r al s è cupâ ma lē la và avànti listés parchè la gh'à 'l còmpit ad tiràr fóra dgl'infurmasiòṅ su n'urganiśasiòṅ nemìga cun a cap Alessio Sebastian (Claude Rains), vèć amìg ad sò pàdar ma anc òṅ che soquànt tèmp prima al gh fava 'l fił prima che lē la 'l parìs via. Par cavàr-'g-la, la decìd adès ad mét'r-as insém a lò anc se la màdar 'd Alessio, l’Anna Sebastian (Leopoldine Konstantin), la n è minga 'd acòrd, specialmènt quànd sò fiōl al gh śibìs ad spuśàr-la. Devlin al patìs dimóndi la questiòṅ ma al n s mét minga in mèś par ragiòṅ ad stat e l’Elena la fà cumpàgn anc s'la gh'à 'l magòṅ parchè lò 'l è piutòst dastacâ sèg.
Quànd a s vèṅ a savér che Alessio al tîṅ lugâ in cantìna d'l uràni in soquànti butìgli 'd vèṅ, Devlin al và in cà sua par pascàr-li insém a l’Elena. Ma quàl là al i bèca in dal méntar ch'l éra andâ a tōr dal champagne ch'l éra finî. Par paràr via i suspèt, Devlin al taca a baśàr l’Elena par far-ag crédar ch'i dū i èṅ amànt, che pò 'l è anc véra, e ch'i s éran lugâ lè śò par far i spurcaciòṅ. Ma Alessio al capìs ch'a gh'è quèl ch'a traśa anc parchè al véd gh'al n gh'à piò la ciàṿ dla cantìna e che par tèra a gh'è di vēdar dna butìglia śbragàda. 'D acòrd cun sò màdar al decìd ad far-la fóra piàn piàṅ dand-ag dal vlèṅ misćiâ in dal cafè. La dóna la taca acsè a star sèmpar pèś.
© MMXXIII Rich X Search. We shall prevail. All rights reserved. Rich X Search