Altecozono (ekologio)

Altecozonoj (en PIV troviĝas la vorto etaĝo en topologia senco) priskribas en la ekologio kaj geobotaniko la karakteron de la flaŭro kaj faŭno de regiono depende de la alteco super marnivelo. La vegetaĵaro estas uzata kiel indikilo, ĉar ĝi estas pli facile kartigebla, pro tio oni ankaŭ parolas pri vegetoŝtupoj. Sub klimatologiaj vidpunktoj la altecozonoj nomiĝas klimatoŝtupoj aŭ klimataj altecozonoj.