Andaluzio

Aŭtonoma Komunumo Andaluzio
hispane Comunidad Autónoma de Andalucía
aŭtonoma komunumo
Ponto El Alamillo sur rivero Gvadalkiviro, en Sevilo, Andaluzio.
Flago   Blazono
Oficiala nomo: Andalucía
Ŝtato	Hispanio
Regiono	Andaluzio
Provincoj	8  - Provinco de Almerio  - Provinco de Granado  - Provinco de Ĥaeno  - Provinco de Kadizo  - Provinco de Kordovo  - Provinco de Malago  - Provinco de Onubo  - Provinco de Seviljo
Montaro	Sierra Nevada
Najbaras kun	4  - Ekstremaduro Hispanio  - Kastilio-Manĉo Hispanio  - Murcia Regiono Hispanio  - Ĝibraltaro Unuiĝinta Reĝlando
Kelkaj urboj	12  - Granado  - Onubo  - Kadizo  - Ĥaeno  - Kordovo  - Malago  - Almerio  - Onubo  - Sevilo  - Marbella  - Jerez de la Frontera  - Antequera
Riveroj	4  - Gvadalkiviro  - Gvadiano  - Gvadairo  - Rivero Genil
Situo	Seviljo
- alteco	7 m s. m.
Ĉefurbo	Sevilo
- koordinatoj	37° 23′ 00″ N 05° 59′ 00″ U / 37.38333 °N, 5.98333 °U / 37.38333; -5.98333 (mapo)
Areo	87 268 km² (8 726 800 ha)
Loĝantaro	8 476 718 loĝantoj (2020)
Denseco	97 loĝ./km²
Aŭtonomeco	30-a de decembro 1981
Ĉefulo	Juan Manuel Moreno (ekde 16-a de januaro 2019)
Horzono	MET (UTC+1)
- somera tempo	MET (UTC+2)
Poŝtkodo
ISO 3166-2:ES	ES-AN
Situo de Sevilo enkadre de Hispanio
Situo de Andaluzio enkadre de Hispanio
Vikimedia Komunejo: Andalusia
Retpaĝo: ww.juntadeandalucia.es

Andaluzio aŭ Andaluzujo (hispane Andalucía [andaluˈθia]) estas Historia Nacieco de Hispanio, kiu kiel aliaj hispanaj naciecoj kaj regionoj konstituiĝas en Aŭtonoma Komunumo kun sia propra registaro, parlamento, justico, ktp.

Andaluzio estas la Aŭtonoma Komunumo kun plej da loĝantoj (preskaŭ 8.000.000) kaj la dua plej granda komunumo el Hispanio kun 87.300 km². En Andaluzio estas parolata la andaluza. La andaluza estas dialekto de la hispana lingvo, origino de aliaj hispanaj dialektoj kiel la kanaria aŭ sudamerikaj hispandialektoj.

Mitologie konata kiel la Vesperlando kie estis la Ĝardeno de la Hesperidoj vizitita de Heraklo, Andaluzio estus laŭ kelkaj mitologiistoj^[kiuj?] la tero kie originis la fama mito de la Atlantido kiel memoro de la antikva Tartezo.

En Andaluzio, oni trovas grandegan ekologian diversecon. En la sama regiono oni povas ĝui montarojn kiel Sierra Nevada (Neĝata Montaro), arbarojn en Ĥaeno, longajn paradizajn plaĝojn en Malago, Kadizo, Onubo, Granado kaj Almerio kie estas ankaŭ dezerto. Pro tio Andaluzio estas la plej turismeca komunumo el Hispanio.

Ĝin trairas inter aliaj la riveroj Gvadiano kaj Gvadalkiviro.

En ĝi abundas olivarboj, korkokverkoj kaj anzinoj.