Asteroido

Asteroido
speco de astro vd
astronomia simbolo vd
speco de astro
Fizikaj ecoj
v • d • r

Asteroido estas malgranda ĉiela korpo, kiu moviĝas ĉirkaŭ la Suno same kiel la planedoj – ĉefe en la asteroida zono inter la orbitoj de Marso kaj Jupitero, – sed ne estas kometo (vidu malsupre). Ĉar nur fine de la 1970-aj jaroj oni ekmalkovris asteroidecajn korpojn ekster la orbito de Neptuno, ekzemple la transneptunaj objektoj, oni kutime aplikas la nocion "asteroido" nur al objektoj en la interna Sunsistemo, kaj la esprimon planedeto al ĉiuj.

Oni supozas, ke la asteroidoj estas restaĵoj el ĉirkaŭsuna planedonaska nubo, kiuj ne kungluiĝis por formi planedojn. Multaj malgrandaj asteroidoj supozeble ekestis per kolizio inter pli grandaj, el kiuj unu aŭ ambaŭ diseriĝis. Komparu la malsuprajn priskribojn pri V-tipaj asteroidoj kaj la palasa familio.

La malsameco inter asteroidoj kaj kometoj nur baziĝas pri ilia aspekto: kometoj posedas klare videblan voston, konsistantan el gaselfluo (ekz. akva vaporo pro varmiĝo de glacio). Pro la granda malsimileco de la unuaj konataj asteroidoj disde kometoj, historie ekestis firma distingo inter la du konceptoj, kiujn nur ekde 2006 kunigas la komuna nomo "malgrandaj sunsistemaj objektoj", tiujare oficialigita de la Internacia Astronomia Unio. Jam okazis, pasintece, ke iuj objektoj klasitaj kiel asteroidoj ekŝprucigis voston, kaj tiel estis reklasitaj kiel kometoj.

El ĉirkaŭ unu miliono da konataj asteroidoj,^[1] la plej granda nombro estas inter la orbitoj de Marso kaj Jupitero, proksimume 2 ĝis 4 AU el la Suno, en regiono konata kiel la ĉefa asteroida zono. La totala maso de ĉiuj asteroidoj kombinita estas nur 3% de tiu de la Luno de la Tero. La plimulto de la ĉefa asteroida zono sekvas iom elipsajn, stabilajn orbitojn, revolue en la sama direkto kiel la Tero kaj postulante el tri ĝis ses jarojn por kompletigi kompletan ĉirkaŭon al la Suno.^[2]

1. ↑ "Asteroids". NASA Solar System Exploration. Alirita la 29an de Marto 2022.
2. ↑ "Asteroids (from the NEAR press kit)". nssdc.gsfc.nasa.gov. Alirita la 29an de Marto 2022.