Internacia Kortumo

Ĉi tiu artikolo estis je la 9-a de marto 2022 akceptita en la liston de legindaj artikoloj.

Internacia Kortumo
internacia tribunalo • principal organ of the United Nations
Komenco	1945 vd
Antaŭe	Konstanta Kortumo de Internacia Justico vd
Geografia situo	52° 5′ 12″ N, 4° 17′ 44″ O (mapo)52.0866666666674.2955555555556Koordinatoj: 52° 5′ 12″ N, 4° 17′ 44″ O (mapo)
Lando(j)	Nederlando vd
Sidejo	Palaco de Paco
Situo	Hago
DEC
Internacia Kortumo
Ĉefestro(j)	Nawaf Salam • Abdulqawi Yusuf • Joan Donoghue vd
Lingvoj	angla lingvo • franca lingvo
Retejo	Oficiala retejo
v • d • r

La Internacia Kortumo (IK, france Cour internationale de justice; angle International Court of Justice, akronime ICJ) estas la ĉefa jurisdikcia organo de la Unuiĝintaj Nacioj kaj havas sian sidejon en la Palaco de Paco ("Vredespaleis") de Hago, Nederlando. Ĝian funkciadon kaj kompetentecon regulas la UN-ĉarto kaj la Statuto de la IK. Ĝi estas posteulo de la Internacia Konstanta Kortumo starigita kadre de la Ligo de la Nacioj.

Partioj antaŭ la IK povas esti nur ŝtatoj, sed ne internaciaj organizaĵoj aŭ aliaj subjektoj de la internacia juro. Aliron al la IK havas nur kontraktŝtatoj de la IK-statuto. Ili estas unuflanke ĉiuj membroj de UN kaj aliflanke ĉiuj ŝtatoj kiuj estas nemembroj sed akceptis la statuton. Ankaŭ la Ĝenerala Asembleo de Unuiĝintaj Nacioj povas direkti sin al la IK.

La 15 juĝistoj de la kortumo estas ĉiam de 15 malsamaj ŝtatanecoj. Ĝis nun la 5 konstantaj membroj de la Konsilio de Sekureco ĉiam havis juĝistojn, escepte Ĉinio inter 1967 kaj 1985. Juĝistoj estas nomumitaj por 9 jaroj; ĉiun trian jaron oni nomas 5 novajn juĝistojn. La Kortumo uzas du oficialajn lingvojn: kaj la anglan kaj la francan. Ĝi havas konstantan interpretistaron. Multaj kunlaborantoj estas denaske angla- aŭ franc-lingvaj.