Ligo de Nacioj

Ligo de Nacioj
League of Nations
interregistara organizaĵo • internacia organizaĵo
Komenco	1919 vd
Fino	18-a de aprilo 1946 vd
Poste	Unuiĝintaj Nacioj vd
Lando(j)	Svislando vd
Sidejo	Palais Wilson
Ideologio	internaciismo
Ĝenerala(j) Sekretario(j)	Eric Drummond, 16th Earl of Perth • Joseph Louis Anne Avenol • Seán Lester vd
Ĉefestro(j)	Eric Drummond, 16th Earl of Perth • Joseph Louis Anne Avenol • Seán Lester vd
Lingvoj	angla lingvo • franca lingvo
Filioj	Women's Advisory Council, League of Nations • Konstanta Kortumo de Internacia Justico • Internacia Organizaĵo de Laboro vd
Partoj League of Nations Treaty Series • League of Nations assembly • Council of the League of Nations • League of Nations Permanent Secretariat vd
v • d • r

La Ligo de Nacioj (laŭ sia angla nomo), ankaŭ nomata Societo de Nacioj (laŭ sia franca nomo), estas fondita je iniciato de la usona prezidento Woodrow Wilson pere de la Traktato de Versailles en 1920. Tiu kontrakto enhavis ĉefe la postulojn de la venkintoj de la unua mondmilito ĉefe kontraŭ Germanio sed ankaŭ kontraŭ la aliaj eŭropaj imperioj (rusa, aŭstri-hungara kaj turka). Ĝi supozis ioman limigon al uzado de tutlibera nacia suvereneco sed sen krei veran supernacian enton.

La ideo havas plurajn patrojn, interalie la germanan filozofon Immanuel Kant, kiu fine de la 18-a jarcento en la verkaĵo Zum ewigen Frieden ("Al Eterna Paco") proponis aliancon de tiuj ŝtatoj, en kiuj liberas la civitanoj. Fakte dum la 16-a, 17-a kaj 18-a jarcentoj multaj pensuloj defendis similajn planojn. La ideologiaj novaĵoj estis ĝenerala reago kontraŭ la Unua Mondmilito kaj kontraŭ militoj ĝenerale, krom influoj de la liberalismo kaj de la socialismo de la 19-a jarcento.