Mel Gibson

Mel Gibson
Oskar-premiito
Persona informo
Mel Gibson
Naskonomo	Mel Colm-Cille Gerard Gibson
Naskiĝo	3-an de januaro 1956 (1956-01-03) (68-jaraĝa) en Peekskill
Religio	katolika eklezio vd
Etno	Irish Americans • British Americans vd
Lingvoj	angla vd
Ŝtataneco	Usono Irlando vd
Alma mater	Nacia Instituto de Drama Arto vd
Partio	Respublikana Partio vd
Subskribo
Familio
Patro	Hutton Gibson (en) vd
Patrino	Anne Patricia Reilly (en) vd
Gefratoj	Donal Gibson (en) vd
Edz(in)o	Robyn Moore (en) (1980–2011) vd
Amkunulo	Oksana Grigorieva (en) (2009–2010) Rosalind Ross (en) (2014–) vd
Infanoj	Milo Gibson (en)  ( ) Hannah Gibson (en)  ( Robyn Moore (en) ) vd
Profesio
Okupo	filmproduktoro televida aktoro teatra aktoro televida produktoro aktoro scenaristo verkisto voĉaktoro filmaktoro filmreĝisoro reĝisoro vd
Aktiva en	Usono vd
Aktiva dum	1977– vd
Honorigoj Honorigoj (25-a de julio 1997)  Honorary Officer of the Order of Australia (en) (1996)  Golden Globe Award for Best Director (en) , kialo de la premio Braveheart (1995)  Akademia Premio por la Plej Bona Filmo, kialo de la premio Braveheart (1995)  Akademia Premio por la Plej Bona Reĝisoro, kialo de la premio Braveheart vd
vd	Fonto: Vikidatumoj
v • d • r

Mel Columcille Gerard GIBSON (naskita je la 3-a de januaro 1956 en Peekskill, en Novjorkio, Usono) estas usona aktoro kaj reĝisoro.

Gibson naskiĝis kiel 6-a infano el 11 en la familio. Lia patro (Hutton Gibson) – kiu naskiĝis ankaŭ en Usono – translokiĝis kun la tuta familio al Aŭstralio al devenloko de sia edzino, post kiam li gajnis 25.000 usonajn dolarojn en TV-kvizo Jeopardy en 1968. Post kelkaj etaj roloj sur la scenejo kaj en televido, ricevis Mel Gibson en 1979 en la filmo Mad Max rolon de policisto, kiu devas batali en post-apokalipsa mondo. Mad Max, tiu relative malmultekosta filmo, iĝis spektakla kaj tutmonda kasoplenigaĵo, kio rezultis por la ĉefrolanto eblon tuj steluliĝi kaj ricevi rolojn en Holivudo. Ekde tiam Gibson pruvis per pliaj roloj en akcionaj filmoj sian pozicion kiel kasoplenigulo kaj li iĝis unu el la plej bone pagitaj rolantoj de la usonaj kinejoj. Li ĉiam serĉas novajn defiojn kiel ludanto en nekutimaj roloj. Tiel li rolis en 1990 Hamleton, en 2000 aperis li en filmo de la germana reĝisoro Wim Wenders (La miliondolara Hotelo). En 1993 li enscenigis sin mem sukcese en la rolo de deformulo (La homo sen vizaĝo). En 1995 li sukcesegis kiel reĝisoro kaj ĉefrolanto de la mondsukcesa historia filmo Braveheart.

Gibson, kiu alprenis la forte tradician katolikismon de sia patro, reĝisoris en 2003 filmon La Pasiono de kristo en Italio, kun buĝeto de 25 milionoj da dolaro. La filmo pretiĝis sen sinkronizo, nur kun subtekstoj. La pasiono de Kristo (originale The Passion of the Christ) prezentiĝis en 2004 tutmonde kiel granda kasoplenigaĵo. La filmo kaŭzis pro la bildigo de sanga perforto kritikojn, kelkaj akuzis la filmon pro supozita antisemitismo.

Mel Gibson estas edziĝinta ekde 1980 al aŭstralia aktorino Robyn Moore kaj ili havas 7 infanojn, el kiuj nur unu filino. Tiu filino estas tre religiema kaj pretigas sin por monaĥiniĝo. Oni supozas, ke la Gibson turniĝis al religio pro sia filino.