Salpinkso

La salpinkso (antikva greka σάλπιγξ) estas blovinstrumento de la Antikva Grekio de la familio de la trumpetoj, simila al la tubjo de la romianoj, kvankam tiu estis proksimume 1,5 metrojn pli mallonga ol tiu ĉi.^[1] Oni trovis ilin ĉe multaj civilizoj de la antikveco, pro kio estas malfacile scii kie kaj kiam naskiĝis tiu mallarĝa instrumento. Oni trovis menciojn al ties sono en la Iliado de Homero,^[2] kvankam ne troviĝas certaj referencoj ĝis la Klasika Grekio.^[1]

Pri ties uzado, kio okserveblas en la reprezentoj de greka ceramiko, kaj legeblas en la verkitaj fontoj de greka historiografio, oni konstatis ties uzadon en la milita etoso por disvastigi ordonojn al hoplitoj en la batalkampo; kaj en la festaj kaj teatraj etosoj, pro la komoj (antikva greka κῶμος, kỗmos): nome ritaj festaj paradoj kiuj estis akompanataj de ties muziko en la bankedaj simpozioj kaj en la religiaj festoj, kaj ankaŭ pro la ĥoroj de la teatraj ludoj.

1. ↑ ^{1,0 1,1} McKinnon, James W.: «Tuba (ii)» en Grove Music Online, Oxford Music Online. Konsultita la 10an de aprilo de 2010 (en angla)
2. ↑ Homero: Iliado, xviii.219.