UK 2017

UK 2017
Loko	Seulo,  Sud-Koreio
Ekde	22-a de julio 2017
Ĝis	29-a de julio 2017
Organizanto	Korea Esperanto-Asocio
Oficiala retejo	www.2017uk.net
← Antaŭa	Sekva →
v • d • r

La 102-a Universala Kongreso (UK) de Esperanto okazis de la 22-a ĝis la 29-a de julio 2017 en Seulo en Sud-Koreio, organizata de Korea Esperanto-Asocio.^[1] Temis pri la dua Universala Kongreso en Sud-Koreio, post la 79-a UK okazinta en 1994 same en Seulo.^[1] Aliĝis ĝis 1173 kongresanoj.^[2]

La kongresurbon elektis la estraro de Universala Esperanto-Asocio post nekutime longa diskuto,^[1] ĉar konkuranta propono de la kanada urbo Montrealo (laŭ invito de Kanada Esperanto-Asocio, kunlabore kun Esperanto-Societo Kebekia kaj Esperanto-USA)^[3] same estis zorge preparita kaj detale dokumentita.^[1] Antaŭ fari la decidon, la Ĝenerala Sekretario de UEA Martin Schäffer kaj la Konstanta Kongresa Sekretario Clay Magalhães vizitis ambaŭ lokojn.^[1]

La kongresa temo estis “Turismo kaj evoluo: vojoj al daŭripovo”^[4].

En ĉiuj el la sep kongresaj tagoj publikiĝis eldono de la kongresa kuriero "La Kandellumo Verda", redaktata de la korea ĵurnalisto Choe Taesok [Ĉue Tesok] vivanta en Litovio; ĉiuj sep eldonoj ankaŭ post la kongreso legeblas en formato PDF en la oficiala kongresa retejo.^[5]

1. ↑ ^{1,0 1,1 1,2 1,3 1,4} Gazetaraj Komunikoj de UEA – N-ro 575 (2015-04-25) – Seulo gastigos la 102-an UK
2. ↑ [1] "La Kandellumo Verda" nº 6.
3. ↑ La Universala Kongreso en 2016 okazos en Slovakio (esperante). Libera Folio (2014-08-02). Alirita 2014-08-05. “La kongreso en 2016 okazos en Nitra, Slovakio.”.
4. ↑ Pri daŭripova turismo en Seulo – Gazetaraj Komunikoj de UEA, n-ro 643, 2016-10-27
5. ↑ Alireble el [2]