Dialekto

Artikulu hau lurralde bateko hizkerari buruzkoa da; adiera zabalago batean, edonolako hizkera mota gaitzat duena beste hau da: «Hizkera»

Dialektoa —batzuetan aldaera diatopikoa eta geolektoa ere deitua— sistema fonetiko, lexiko eta morfosintaktikoan ezaugarri bereziak dituen hizkuntza aldaera da, lurralde mugatu batean mintzatzen dena. Zenbaitetan, hizkuntzalaritzatik kanpora, gizarte-prestigioko arrazoiak direla tarteko, dialektoa «hizkuntza baino maila apalagoa duen mintzaira» dela jotzen da.