Eider Rodriguez

Eider Rodriguez
Irudi gehiago
Ahotsa
Bizitza
Jaiotza	Errenteria, 1977ko maiatzaren 18a (47 urte)
Herrialdea	Gipuzkoa, Euskal Herria
Familia
Anai-arrebak	ikusi Arrate Rodríguez
Hezkuntza
Hizkuntzak	euskara gaztelania
Jarduerak
Jarduerak	idazlea, unibertsitateko irakaslea eta kazetaria
Lantokia(k)	Euskal Autonomia Erkidegoa
Enplegatzailea(k)	Euskal Herriko Unibertsitatea
Jasotako sariak	ikusi Zilarrezko Euskadi Saria  (2018) : Bihotz handiegia Euskadi saria - Euskarazko literatura  (2018) : Bihotz handiegia Igartza Saria  (2008) : Katu jendea Euskadi saria - Euskarazko haur eta gazte literatura  (2018) : Santa familia

Eider Rodriguez Martin (Errenteria, Gipuzkoa, 1977ko maiatzaren 18a) euskal idazlea da. Publizitate eta Zinema ikasketak egin zituen. Kazetari lanetan ibili da artikulu ezberdinak argitaratuz, besteak beste, The Balde, Oarsoaldeko Hitza, eta Hitzak eta ideiak aldizkari eta egunkarietan. Editore eta gidoilari lanetan ibili izan zen eta gaur egun irakaslea da Euskal Herriko Unibertsitatean.^[1][2]

Bereziki ipuingintzan nabarmendu da, 2004an Eta handik gutxira gaur kaleratu zuen eta ordudanik beste hiru liburu argitaratu ditu: Haragia (2007), Katu jendea (2010) eta Bihotz handiegia (2017).^[3] Katu jendea ipuin liburuak XI. Igartza saria irabazi zuen (2008).

2021ean lehen eleberria argitaratu zuen, Eraikuntzarako materiala, Susa argitaletxearen eskutik.

Literatur sorkuntzaz gain itzulpenak egiten ditu eta ipuin liburuak gaztelaniara itzuli ditu: Y poco después ahora (2007), Carne (2008), Un montón de gatos (2012) eta Ortigas: antología de relatos (2013). 2012an EIZIE eta Etxepare Euskal Institutuaren babesarekin^[4] Katu jendearen bost itzulpen egin ziren: gaztelania, euskaratik frantsesera, gaztelaniatik frantsesera, nederlanderara eta alemanera.^[5]

Komiki gidoigintza lanak ere egin ditu, Xabiroi aldizkarirako istorio laburrak sortuz zenbait marrazkilarirekin lankidetzan. Julen Ribas marrazkilariarekin sortutako Santa Familia komiki albuma argitaratu zuen Ikastolen Elkarteak 2017ko urrian.

2018an bi Euskadi Sari jaso zituen: bata, Euskarazko Literatura kategorian, Bihotz handiegia lanagatik^[6], eta bestea, Haur eta Gazte Literaturarenean, Santa Familia lanagatik (Julen Ribasekin sortua)^[7].

1. ↑ Tabakalera.Eider Rodriguez. (Noiz kontsultatua: 2017.11.18).
2. ↑ «Eider Rodriguez eta Santos Zunzunegui UPV/EHUko irakasleak, 2018ko Euskadi sariak - Info» UPV/EHU (Noiz kontsultatua: 2018-10-05).
3. ↑ Berria. Ipuin liburu berria kaleratu du Eider Rodriguezek: 'Bihotz handiegia'. (Noiz kontsultatua: 2017.11.18).
4. ↑ EIZIE. Eider Rodriguezen Katu jendea, 5 hizkuntzatan. EIZIE. (Noiz kontsultatua: 2017.11.18).^{[Betiko hautsitako esteka]}
5. ↑ Etxepare Euskal Institutua. Eider Rodriguez: Katu jendea, Gatos, Tant de chats, Katzenmenschen, Chats. (Noiz kontsultatua: 2017.11.18).^{[Betiko hautsitako esteka]}
6. ↑ SL, TAI GABE DIGITALA. (2018-10-01). «Eider Rodriguez, Yolanda Mosquera eta Santos Zunzunegui, Euskadi Literatura sariak» naiz: (Noiz kontsultatua: 2018-10-01).
7. ↑ «Euskadi Saria 'Santa Familia' komiki albumari | Ikastolen Elkartea» ikastola.eus (Noiz kontsultatua: 2021-06-30).