Emily Dickinson

Emily Dickinson
Irudi gehiago
Bizitza
Jaiotzako izen-deiturak	Emily Elizabeth Dickinson
Jaiotza	Amherst, 1830eko abenduaren 10a
Herrialdea	Ameriketako Estatu Batuak
Bizilekua	Amherst South Hadley (Massachusetts)
Lehen hizkuntza	ingelesa
Heriotza	Amherst, 1886ko maiatzaren 15a (55 urte)
Hobiratze lekua	Amherst West Cemetery (en)
Heriotza modua	berezko heriotza: Bright's disease (en)
Familia
Aita	Edward Dickinson
Ama	Emily Norcross Dickinson
Anai-arrebak	ikusi Lavinia Norcross Dickinson (en) William Austin Dickinson (en)
Familia	ikusi Martha Dickinson Bianchi (en) (iloba)
Hezkuntza
Heziketa	Wilbraham & Monson Academy (en) Amherst Academy (en) (1840 - 1847ko abuztuaren 10a) Mount Holyoke College (1847 - 1848ko martxoaren 25a)
Hizkuntzak	ingelesa
Jarduerak
Jarduerak	idazlea, poeta eta lorezaina
Jasotako sariak	ikusi Emakumeen Arrakastaren Saloi Nazionala  (1973)
Influentziak	Ralph Waldo Emerson
Genero artistikoa	olerkigintza
emilydickinson.org

Emily Elizabeth Dickinson (Amherst, Massachusetts, Ameriketako Estatu Batuak, 1830eko abenduaren 10a - Ibid. 1886eko maiatzaren 15a) poeta estatubatuarra izan zen. Nahiz eta bere bizitzan zehar oso ezaguna ez izan, adituek ia aho batez onartzen dute Emily Dickinson Ameriketako Estatu Batuek inoiz izan duten poetarik handienetakoa dela.^[1][2]

Sortutako ia 1.800 poemetatik 10 inguru argitaratu ziren bizi zen bitartean; gehienak bera hil ostean argitaratu ziren.^[3] Olerki horiek garaiko arau poetikoetara egokitu zituzten: Dickinsonen olerkiek ez zuten izenbururik, eta lerro motzak, errima inperfektuak eta puntuazio ez konbentzionala erabiltzen zituen, baita letra larriaren erabilera ezohikoa ere.^[2]

Herrikideekin lotura estua zeukan familia ezagun batekoa bazen ere, bizitzaren zatirik handiena aitaren Amhersteko etxetik atera gabe igaro zuen. Auzokoen ustez, Dickinson oso pertsona bitxia zen; beti zuriz janzten zen, eta ez zituen gonbidatuak agurtzen; azken urteetan, gainera, ia logelatik irten gabe bizi izan zen. Ez zen inoiz ezkondu, eta adiskideekiko harreman gehienak gutunen bidez landu zituen.

1. ↑ (Ingelesez) «Emily Dickinson» Poetry Foundation. (Noiz kontsultatua: 2021-12-19).
2. ↑ ^{a b} (Ingelesez) McNeil, Helen. (1986). Emily Dickinson. Virago Press ISBN 0394747666..
3. ↑ (Ingelesez) «Publications in Dickinson's Lifetime» Emily Dickinson Museum (Noiz kontsultatua: 2021-12-19).