Franz Kafka

Franz Kafka
(1923) Irudi gehiago
Bizitza
Jaiotzako izen-deiturak	Franz Kafka
Jaiotza	Praga, 1883ko uztailaren 3a
Herrialdea	Cisleithania  (1883ko uztailaren 3a -  1918ko urria)  Txekoslovakia  (1918ko urria -  1924ko ekainaren 3a)
Bizilekua	Praga
Talde etnikoa	Juduak
Lehen hizkuntza	alemana txekiera
Heriotza	Kafka Sterbehaus (en) eta Kierling (en) , 1924ko ekainaren 3a (40 urte)
Hobiratze lekua	New Jewish Cemetery (en) Grave of Franz Kafka (en)
Heriotza modua	berezko heriotza: laryngeal tuberculosis (en) Ahuleria
Familia
Aita	Hermann Kafka
Ama	Julie Kafka
Ezkontidea(k)	ezkongabea
Bikotekidea(k)	ikusi Dora Diamant
Seme-alabak	ikusi baliorik ez
Anai-arrebak	ikusi Elli Kafka Valli Kafka Ottla Kafka
Hezkuntza
Heziketa	Faculty of Law, German University in Prague (en) College of Philosophy of the Prague German University (en) Pragako Karolen Unibertsitatea German University in Prague (en) (1901 - 1906) Zuzenbiden Doktore : zuzenbide
Hizkuntzak	alemana txekiera
Irakaslea(k)	Friedrich Thieberger (en)
Jarduerak
Jarduerak	eleberrigilea, alegialaria, ipuingilea, aforista, eguneroko-idazlea, itzultzailea, abokatua, gidoilaria, legelari-poeta, claims adjuster (en) , prosalaria eta idazlea
Enplegatzailea(k)	Assicurazioni Generali (en) Allgemeine Unfallversicherungsanstalt (en)
Lan nabarmenak	ikusi Metamorfosia Prozesua The Castle (en) Before the Law (en) Lost in America (en)
Influentziak	Heinrich von Kleist, Gustave Flaubert eta Robert Walser
Mugimendua	Literatura modernista existentzialismoa
Genero artistikoa	modernismoa belletristic literature (en) kontakizun laburra pritcha (en) eleberria Mikrokontakizuna
Sinesmenak eta ideologia
Erlijioa	judaismoa
franzkafka.de

Franz Kafka (Praga, Txekia, 1883ko uztailaren 3a - Viena, Austria, 1924ko ekainaren 3a) bohemiar ipuin-idazle eta eleberrigile bat izan zen. Klase ertaineko familia aleman-judu baten jaio zen Pragan,^[1] Bohemiako Erresumako hiriburuan, orduan Austria-Hungariako Inperioaren zati zena,^[2] gaur egun Txekiar Errepublikako hiriburua.^[3] Abokatu gisan trebatu zen eta bere hezkuntza juridikoa amaitu ondoren, lanaldi osoz aritu zen aseguru konpainia batean eta idaztea bere aisialdira baztertzera behartu. Bere bizitzan, Kafkak ehunka gutun idatzi zizkien senideei eta gertuko lagunei, aitari barne. Hainbat emakumerekin izan zituen harremanak, baina ez zen inoiz ezkondu. 1924an hil zen 40 urte zituela, tuberkulosiak jota.

Alemanezko eleberrigile eta ipuin-idazle izan zen eta, oro har, XX. mendeko literaturako pertsonaia garrantzitsuenetakotzat hartzen da. Haren lanak errealismoaren eta fantastikoaren elementuak fusionatzen ditu.^[4] Normalean, protagonistak isolatuta agertzen dira, egoera bitxi edo surrealistetan, eta botere sozio-burokratiko ulertezinei aurre egin behar diete. Alienazioa, antsietate existentziala, erruduntasuna eta absurdoaren gaiak aztertzen ditu.^[5] Lanik ezagunenen artean, Metamorfosia (Die Verwandlung), Prozesua (Der Process) eta Gaztelua (Das Schloss) daude. "Kafkar" terminoa hizkuntza guztietan sartu da, haren idazlanetan agertzen direnak bezalako egoerak deskribatzeko.^[6]

Haren lan gutxi argitaratu ziren bizi zen artean: Gogoeta eta Herriko medikua ipuin bildumak, eta banakako ipuin batzuk, Metamorfosia esaterako. Literatura aldizkarietan argitaratu ziren, baina arreta txikia jaso. Testamentuan, Kafkak bere gordetzaile eta lagun Max Brodi amaitu gabeko lanak suntsitzeko agindu zion, besteak beste Prozesua, Amerika eta Desagertutako gizona eleberriak, baina Brodek ez zituen agindu horiek kontuan hartu. Haren lanak idazle, kritikari, artista eta filosofo ugarirengan eragin du, XX. eta XXI. mendeetan.

1. ↑ (Ingelesez) Gilman, Sander. (2005). Franz Kafka. London: Reaktion Books, pp. 20-21 or. ISBN 978-1-881872-64-1..
2. ↑ (Txekieraz) "Franz Kafka". The Research Library of South Bohemia in České Budějovice.
3. ↑ (Txekieraz) Northey, Anthony. (1997). Mišpoche Franze Kafky. Prague: Nakladatelství Primus, pp. 8-10 or. ISBN 978-80-85625-45-5..
4. ↑ (Ingelesez) Spindler, William. (1993). "Magical Realism: A Typology". Forum for Modern Language Studies. XXIX (1), pp. 90–93 or. ISBN doi:10.1093/fmls/XXIX.1.75..
5. ↑ (Ingelesez) Franz Kafka. Encyclopædia Britannica.
6. ↑ (Ingelesez) Steinhauer, Harry. (1983). "Franz Kafka: A World Built on a Lie". The Antioch Review. Yellow Springs, Ohio. 41 (4), pp. 390–408 or. ISBN doi:10.2307/4611280. JSTOR 4611280..