Hegoburua

Hegoburua
Datu orokorrak
Mota	polo geografiko
Eponimoa	hego
Geografia
Koordenatuak	90°S 0°E / 90°S 0°E / -90; 0
UTC ordua	Antarctica/South_Pole (en)
Honen parte da	Earth's poles (en)
Condominium	Itun Antartikoko eskualde

Hegoburua^[1][2][3] edo Hego poloa^[2][3] planeta batean hegoalderen dagoen puntua da, biraketa ardatzak planetako hegoaldeko lurrazala zeharkatzen duen lekua. Lur planetan, hegoburua Antartikaren gainean ezarria dago, iparburutik 20.000 bat kilometrora, lurrazaletik neurtuta^[4].

Roald Amundsen norvegiarra izan zen lehena leku horretara heltzen, 1911. urtean. Geroztik ailegatu direnen artean aipatzekoa da Sir Edmund Hillary (1958). Hego Sandwich uharteak kontutan hartu gabe, hegoburutik gertuen dagoen lekua Txile da, eta Ushuaia da gertuen dagoen hiria, Argentinan kokatua, eta gertuen dagoen herria Puerto Williams da, Txilen. Hala ere Ameriketako Estatu Batuen Amundsen-Scott basea dago bertan, 1956ean eraiki zenetik etengabe pertsonal zientifikoa eta militarra izan duena.

Hegoburu geografikoa ez da Hegoburu magnetikoa, Lurraren magnetismoaren arabera definitzen den puntua. Era berean, ez da Antartikaren zentro geografikoan kokatzen.

1. ↑ Euskaltzaindia: Hiztegi Batua.
2. ↑ ^{a b} Ibon Sarasola: Zehazki hiztegia.
3. ↑ ^{a b} Elhuyar gaztelania-euskara hiztegia.
4. ↑ (Ingelesez) «Distance North-Pole > South-Pole - Air line, driving route, midpoint» www.distance.to (Noiz kontsultatua: 2020-03-25).