Ideia-jasa

Ideia-jasa, brainstorming ingelesezko izenez ere ezaguna, ideia berrien sormena sustatzen duen talde-teknika bat da. Gai bat lantzeko osatu duten taldeko kideek gaiaren inguruan burura etortzen zaizkien ideia guztiak agertzean datza, inongo ideia edo proposamenik baztertu gabe eta gidaritza minimo batez. Helburua, beraz, ahalik eta ideia gehien plazaratzea da, beraien egokitasunari erreparatu gabe, prozesuaren bukaeran proposamenen ebaluazioa egiten bada ere. Alex Faickney Osborn publizistak plazaratu zuen teknika hau 1948 urteko bere Your Creative Power liburuan.