Katabolismo

Katabolismoa bizidunengan gertatzen den erreakzio kimikoen multzoa da, molekula organiko edo biomolekula handiak molekula bakun bihurtzen dituena. Oxidazio-erreakzioak gertatzen dira katabolismoan, energia askatzen dutenak. Ondorioz, prozesu katabolikoetan energia sortzen da, ATP bezalako molekuletan pilatzen dena.

Prozesu katabolikoen erreakzio orokorra honako hau izaten da:

AB → A + B + energia

AB energia handiko biomolekula izanik, energia gutxiko A eta B molekula bakunetan bihurtzen dena

Erreakzio katabolikoetan askatzen den energia ATP energian aberatsak diren loturetan gordetzen da, eta, ondoren, anabolismoko erreakzio endergonikoetan erabili ahal izango da. Anabolismoa eta katabolismoa, beraz, lotuta dauden bideak dira, nahiz eta alderantzizkoak izan.

Bide katabolikoak antzekoak dira organismo autotrofo eta heterotrofoetan.