Lagash

Lagash^[1] Mesopotamiako hiri-estatua izan zen, hasieran Sumerren eta gero Babilonian garrantzi handia izan zuena. Egungo Irakeko Ash Shatrah hiritik gertu zegoen, Eufrates eta Tigris ibaien bilgunetik ipar-mendebalderantz. Aztarnategia Ernest de Sarzec frantziarrak aurkitu zuen 1877an. Indusketa lan garrantzitsuak bideratu ziren ordurik aurrera, Sumerko zibilizazioko berri interesgarri batzuk argitu zituztenak.^[2] E-Ninnu tenplua, Ningirsu jainkoari eskainitakoa, da eraikin nagusia.

1. ↑ Euskaltzaindia. (2006-1-27). Antzinateko hirien euskarazko izenak. .
2. ↑ Lur entziklopedietatik hartua.