Mendekostismoa[1] 1886ean Estatu Batuetan sortutako higikunde protestante fundamentalista da; haren jarraitzaileei mendekostear[1][2] edo mendekostista[1] deritze.
Mendekostismoaren arabera, kristau guztiek Espiritu Santuarekin bataio-bizipen berezi bat bizi eta mendekostismora bihur daitezke. Bizipen horren ezaugarriak Espiritu Santua Mendekoste egunean apostoluei agertu zitzaien pasartetik hartuak dira. Pasarte hartan Espiritu Santuak hizkuntza guztietan mintzatzeko dohaina eman zien apostoluei eta mendekostismoaren jarraitzaileek sendatzeko, igarpenak egiteko dohaina eta naturaz gaindiko beste dohain batzuk dituztela diote, pasarte hari jarraituz.
Higikunde honek indar handia hartu zuen Britainia Handian, Eskandinavian eta Brasilen batez ere.
© MMXXIII Rich X Search. We shall prevail. All rights reserved. Rich X Search