Michael Schumacher

Michael Schumacher
(2005) Irudi gehiago
UNICEFen borondate oneko enbaxadorea
Bizitza
Jaiotza	Hürth, 1969ko urtarrilaren 3a (55 urte)
Herrialdea	Alemania
Lehen hizkuntza	alemana
Familia
Ezkontidea(k)	Corinna Schumacher (en)  (1995eko abuztua -
Seme-alabak	ikusi Mick Schumacher (en) Gina-Maria Schumacher (en)
Anai-arrebak	ikusi Ralf Schumacher
Hezkuntza
Hizkuntzak	ingelesa italiera alemana
Jarduerak
Jarduerak	1 Formulako gidaria eta motoziklista
Parte-hartzailea 1994ko 1 Formulako denboraldia (1.) 1995eko 1 Formulako denboraldia (1.) 2000ko 1 Formulako denboraldia (1.) 2001eko 1 Formulako denboraldia (1.) 2002ko 1 Formulako denboraldia (1.) 2003ko 1 Formulako denboraldia (1.) 2004ko 1 Formulako denboraldia (1.)
Altuera	174 zentimetro
Enplegatzailea(k)	Haurren Laguntzarako Nazio Batuen Funtsa
Jasotako sariak	ikusi Ohorezko Legioko ofiziala  (2010) Silbernes Lorbeerblatt  (1997) Kiroletako Asturiasko Printzesa Saria  (2007) L'Équipe Champion of Champions  (2003) honorary citizen of Sarajevo  (2014) Hall of Fame des deutschen Sports Italiako Errepublikako Merituaren Ordenako komendadore  (2002ko urriaren 22a) German Sportspersonality of the Year  (2004) German Sportspersonality of the Year  (1995) Laureus World Sports Award for Sportsman of the Year  (2002) State Prize of North Rhine-Westphalia  (2022) Laureus World Sports Award for Sportsman of the Year  (2004)
Izengoitia(k)	Marcel Niederhausen
michael-schumacher.de

Michael Schumacher (Hürth, Ipar Renania-Westfalia, Alemania, 1969ko urtarrilaren 3a)1 Formulako gidari ohia da, Jordan, Benetton, Ferrari eta Mercedes taldeetan egon dena. Munduko txapelketen errekorra du (7 txapelketa), Lewis Hamiltonekin berdinduta, eta, 2012an erretiratu aurretik, irabazitako lasterketen (91), poleen (68), podioen (155) eta buelta azkarrenen (77) errekorrak zituen. Geroztik, Hamiltonek lehen hiru errekorrak hautsi ditu.^[1]

Motor-lasterketetan karting-aren bidez hasi zen, eta Schumacherrek arrakasta lortu zuen behe-mailako auto-txapelketetan. 1991eko Belgikako Sari Nagusian egin zuen bere1 Formulako debuta, Bertrand Gachot gidariaren ordezkapen bezala, eta momentu hartan bertan Benetton taldeak urte osorako hartzea erabaki zuen. 1994an eta 1995ean bere lehen bi mundu txapelketak lortu zituen talde horrekin, eta 1996an Ferrarira joan zen. 1997an eta 1998an munduko txapelketa lortzeko aukerak azken lasterketan galdu zituen eta 1999an hanka puskatu zuen, frenoetan arazo baten ondorioz.

2000tik 2004ra txapelketa guztiak irabazi zituen, hainbat errekor hautsiz (haien artean, seigarren eta zazpigarren titulua, hortaz geroztik Hamiltonek bakarrik lortu duena). 2005ean hirugarren geratu zen eta 2006an, bigarren. Urte hartan kiroletik erretiratu zen, baina 2010an itzuli egin zen hiru urtez, Mercedes taldearekin. 2012z geroztik ez da itzuli.

Schumacher bere autoak kontrolatzeko eta auto kaskarrekin emaitza bikainak lortzeko gaitasunarengatik nabarmendu zen gehienbat. Bere kirol-entrenamenduak oso gogorrak ziren eta sasoi oso onean zegoen. Negoziatzeko gaitasuna zuen. Bere anaia (Ralf) eta biak dira1 Formulan lasterketak irabazi dituen anai-bikote bakarra, eta lau aldiz lehen eta bigarren postuetan amaitu zuten lasterketaren bat. Schumacherrek bi aldiz eduki izan ditu denboraldi bateko azken lasterketan istripuak, eta erabakigarriak izan dira biak titulua norentzako den erabakitzeko: 1994ko Australiako Sari Nagusian (Damon Hillen kontra) eta 1997ko Europako Sari Nagusian (Jacques Villeneuveren kontra) gertatu da. Lehen kasuan Schumacherrek lortu zuen munduko titulua, eta, bigarrenean, denboralditik kanporatua izan zen eta Villeneuvek lortu zuen titulua.

UNESCOren enbaxadorea izanik, Schumacherrek proiektu humanitarioetan parte hartu du eta diru-kantitate handiak eman dizkie karitatezko erakundeei. 2013ko abenduan, eskiatzen zebilela, istripu oso larria izan zuen eta garun-lesio bat eduki zuen. Ondorioz, hurrengo urteko ekainera arte koman egon zen, eta irailean familiak bere etxera eraman zuen osasun- eta errehabilitazio-tratamenduak bertan jasotzeko.

1. ↑ (Gaztelaniaz) «El británico Lewis Hamilton gana su séptimo título de Fórmula 1 e iguala el récord de Michael Schumacher» BBC News Mundo (Noiz kontsultatua: 2022-08-10).