NBAko Jokalari Baliotsuenaren Saria

NBAko Jokalari Baliotsuenaren Saria (jatorrizko hizkuntzan, ingelesez: NBA Most Valuable Player Award) NBAk 1956tik aurrera denboraldiko jokalari onenari ematen dion saria da. Sari honen izena Maurice Podoloff da, hain zuzun ere, NBAk izan zuen lehenengo lehendakariaren izena (1946-1963). 1980. urte arte, sariaren irabazlea jokalariek aukeratzen zuten, baina urte horretatik aurrera zeregin hori kazetarien eskuetan dago. 125 lagunek parte hartzen dute aukeraketan: NBAko taldea duen hiri bakoitzean 3 lagunek ematen dute botoa, eta gainerako 35 botoak NBAko analista eta adituenak dira. Kareem Abdul-Jabbar izan da orain arte sari gehien dituena; (6) ondoren Michael Jordan, Bill Russell (5) eta Wilt Chamberlain (4) datoz.