Nabarreriako Gerra

Nabarreriako Gerra
San Zernin eliza, burgoko parrokia.
Data	1276
Lekua	Nabarreria
Emaitza	Nafarroa frantziar koroapean gelditu zen
Gudulariak
Frantziako Erresuma  Nafarroa (burgesia) Gaztelako Erresuma  Nafarroa (noblezia, elizgizonak)
Buruzagiak
Filipe III.a Frantziakoa Eustakio Beaumarchèskoa Gaston VII.a Biarnokoa Imbert Beaujeukoa Roberto II.a Artoiskoa Petri Antso Monteagudokoa Alfontso X.a Gaztelakoa Lope III.a Diaz Harokoa Armingot azpezpikua Gartzea Almoravit Gontzalo Ibañez Baztangoa

Nabarreriako Gerra Nafarroako Erresumako gerra zibila izan zen, zenbait alderdiren arteko tirabirak zirela kausa gertatutakoa. Henrike I.a hiltzean oinordeko alaba txiki bat baino utzi ez zuela hasi ziren liskarrak azaleratzen. Aldameneko erresumek eskua sartu nahi izan zuten, Nafarroan norberaren aldeko eta kontrakoen arteko desadostasunak zabalduz. Azkenean, Iruñeko burguen arteko liskar zaharrek piztuta, matxinada eta Frantziako armadaren interbentzioa gertatu ziren. Ondorioz, Nabarreria guztiz suntsiturik gelditu zen.