Orange Is the New Black (askotan OITNB bezala laburtua) drama eta komediazko telesail estatubatuarra da, Jenji Kohanek idatzia. Telesaila Lionsgate Televisionek ekoitzi zuen eta lehen aldiz 2013ko uztailaren 11n igorri zen; Piper Kermanen Orange Is the New Black: My Year in a Women's Prison deituriko (euskaraz, Orange Is the New Black: Emakumeen presondegi federalean igarotako nire urtearen kronika) liburu autobiografikoan oinarrituta dago. Honek bere kartzelako bizitzako memoriak kontatzen ditu.
Telesaileko pertsonai nagusia Taylor Schilling da Piper Chapmanen papera antzeztuz, espetxera drogaren dirua garraiatzeagatik iristen den emakumea. Horretaz gain, telesaileko beste protagonista esanguratsu batzuk hauek dira: Laura Prepon Alex Vause narkotrafikatzaile eta Piperren maitale ohia antzeztuz, Michael Harney espetxeko kontseilaria antzeztuz, Kate Mulgrew Red sukaldaria antzeztuz eta Jason Biggs Larry Bloom Piperren mutil-laguna antzeztuaz.
2014ko ekainaren 6an telesailaren bigarren denboraldiaren estreinaldia egin zen eta hirugarrena 2015eko ekainaren 12an. 2015eko apirilaren 15ean telesailaren laugarren denboraldia grabatzen hasi ziren 2016ko ekainaren 17an estreinatzeko itxaropenarekin eta 2016ko otsailean Netflixek OITNB hurrengo hiru denboraldietarako berritu zuen, hain zuzen 2019. urtera arte.
Emmy Sarietarako 12 izendapen jaso zituen, nahiz eta, horietako bakarra irabazi.
© MMXXIII Rich X Search. We shall prevail. All rights reserved. Rich X Search