Pearl Harborko erasoa

Pearl Harborko erasoa
Mota	naval offensive (en) gudu air offensive (en)
Honen parte da	Bigarren Mundu Gerra eta Pacific War campaigns (en)
Data	1941eko abenduaren 7a
← Events leading to the attack on Pearl Harbor (en)
Kokaleku	Pearl Harbor
Herrialdea	Ameriketako Estatu Batuak
Parte-hartzaileak	Japoniar Inperioa Ameriketako Estatu Batuak Husband E. Kimmel (en) Chuichi Nagumo Isoroku Yamamoto Mitsuo Fuchida (en)
Honen ondorioa	consequences of the attack on Pearl Harbor (en)
Pertsona hilak	2.469
Kronologia
1941eko azaroaren 5a	Consent (en)
Osatuta
Attack on Pearl Harbor in popular culture (en)

Pearl Harborko erasoa edota Pearl Harborko gudua (ingelesez: Attack on Pearl Harbor edota Battle of Pearl Harbor; japonieraz 真珠湾攻撃) Japoniako Armada Inperialak 1941eko abenduaren 7ko goizean Pearl Harborreko (Hawaii) Estatu Batuen itsas basearen aurka egindako ezusteko erasoaldi militar bat izan zen. Erasoaren helburua Estatu Batuetako Ozeano Bareko Flotaren esku-hartzea saihestea zen.

353 japoniar hegazkinek burutu zuten erasoa, tartean, bonbaketariak eta torpedo-ontziak. Portuko zortzi korazatu estatubatuarrak kaltetuak izan ziren, eta horietako lau hondoratu egin ziren, besteak beste; hala ere, japoniarrek ere izugarrizko galerak izan zituzten.

Eraso honen eta beste arrazoi batzuen artean Estatu Batuak Bigarren Mundu Gerran sartu zen, hurrengo egunean, abenduaren 8an Japoniari gerra deklaratuz. Alemania naziak eta Italia faxistak gerra deklaratu zioten Estatu Batuei abenduaren 11n, Ardatzaren (II. Mundu Gerran Alemaniak, Italiak eta Japoniak aliantzaren aurka sortutako alderdia) potentzia asiarraren aurka abian jarritako operazioei erantzunez.

Nipondarren aldetik adierazpen formalik ez zegoenez aurrera egiten ari zirela ziruditen negoziazioak egiten ari ziren bitartean, Franklin D. Roosevelt AEBetako presidenteak 1941eko abenduaren 7a «doilorkerian biziko den data» izendatu zuen. Gainera, Pearl Harborreko erasoa Tokioko epaiketetan epaitu zuten gerrako krimen gisa.

"Atzo, 1941eko abenduaren 7a, doilorkerian biziko den eguna, bat-batean eta nahita eraso zioten Ameriketako Estatu Batuei Japoniako Inperioko itsas eta aireko indarrek." Franklin D. Roosevelt lehendakariak Kongresuari – 1941eko abenduaren 8a