Sabin Arana

Sabin Arana
Irudi gehiago
Bizitza
Jaiotzako izen-deiturak	Sabin Polikarpo Arana Goiri
Jaiotza	Bilbo, 1865eko urtarrilaren 25a
Herrialdea	Euskal Herria
Lehen hizkuntza	gaztelania
Heriotza	Sukarrieta, 1903ko azaroaren 25a (38 urte)
Hobiratze lekua	Sukarrieta
Heriotza modua	berezko heriotza: Addisonen gaixotasuna
Familia
Aita	Santiago Arana
Ezkontidea(k)	Nikolasa Atxika-Allende
Anai-arrebak	ikusi Paulina Arana Goiri Luis Arana Goiri
Familia	ikusi Vicente Arana (lehengusu)
Hezkuntza
Hizkuntzak	gaztelania euskara
Jarduerak
Jarduerak	politikaria, idazlea, kazetaria, national revival activist (en) eta militante politikoa
Lantokia(k)	Euskal Autonomia Erkidegoa
Mugimendua	Euskal Pizkundea
Sinesmenak eta ideologia
Erlijioa	katolizismoa
Alderdi politikoa	Eusko Alderdi Jeltzalea

Sabin Polikarpo Arana Goiri —edo berak idatzi bezala, Arana ta Goiri'taŕ Sabin— (Sabin Etxea, Abandoko elizatea —gaur egun Bilbo—, Bizkaia, 1865eko urtarrilaren 26a - Sukarrieta, Bizkaia, 1903ko azaroaren 25a) politikaria, ideologo abertzalea, jeltzalea, idazlea eta euskalaria izan zen.

1892an Bizkaya por su Independencia liburua idatzi zuen. Haren pentsamoldearen oinarriak independentismoa, abertzaletasuna, euskaldun arrazaren garbitasuna, katolizismoa eta euskara garbia izan ziren eta ideia multzo hori Jaun-goikua eta Lagi-zaŕa (JEL) leloan laburbildu zuen. Aranak Bizkaiaren independentzia eskatzen zuen, beste gainerako euskal herriekin batera Euzkadi izeneko euskal herritarren konfederazio edo nazio federalean batzeko. Gaur egun aski ospetsua den eta garai hartan Euskal Herriko gizartean asaldura eragin zuen esaldi berritzailea eta apurtzailea honako hau izan zen:

Euskal Herriko proiektu nazional hura gauzatzeko asmoz, eusko abertzaletasunari ikur, ideologia, alderdi, aldizkari eta esaera eta lelo multzo bat eman nahi izan zizkion: besteak beste, Ikurrina, Euzko Alderdi Jeltzalea eta Euzko Abendaren Ereserkija.

Nikolasa Atxika-Allenderekin ezkondu zen eta ez zuten seme-alabarik izan. Gazte hil zen (38 urterekin), espetxean preso zegoela, Addisonen gaixotasuna hartu baitzuen.