Viktor Hambardzumyan —armenieraz: Վիկտոր Համբարձումյան, Viktor Amazaspovitx Ambartsumian izen-deiturekin errusieratua— (Tbilisi, Errusiar Inperioa —egun Georgia—, 1908ko irailaren 18agreg./irailaren 5ajul. - Biurakan, Armenia, 1996ko abuztuaren 12a) astrofisikaria izan zen, etniaz armeniarra. Izarren eraketari eta elkarketari buruz egin zituen ikerketengatik da, batez ere, ezaguna. Leningradeko Unibertsitatean ikasi zuen. Biurakango behatoki astrofisikoa sortu zuen, eta hango zuzendaria izan zen. Armeniako Zientzien Akademiako lehendakaria ere izan zen (1947-1993). 1960an Bruce domina irabazi zuen. Nazioarteko Astronomia Elkarteko lehendakaria izan zen, eta Lurretik kanpoko zibilizazioei buruz hainbat hitzaldi eman zituen.
© MMXXIII Rich X Search. We shall prevail. All rights reserved. Rich X Search